Enis Bytyqi thumbon kolegët, ironizon me klikimet e tyre marramendëse duke i krahasuar me ato të yjeve botërorë

Është përfolur shpesh herë për shifrat marramendëse që këngëtarët e estradës shqiptare arrijnë me këngët e tyre në platformën YouTube.

Shpesh këto shifra konkurrojnë edhe yjet me famë botërore, e ndërsa për vërtetësinë e atyre askush nuk dëshmon.

Duket se dilema për këto shifra të larta të kolegëve të tij, ka edhe këngëtari i njohur ferizajas, Enis Bytyqi.

Këtë gjë ai e bëri duke publikuar në InstaStory një pamje të klikimeve që kanë arritur reperët e famshëm botërorë The Weeknd dhe Jason Derulo.

“The Weeknd i bën dy milionë për një ditë (artisti më i suksesshëm për momentin)… e na po i bojm ka 3-4 për një ditë, kur doni me i lënë këto shaka oj estradë”, ka shkruar këngëtari, teksa ka publikuar një pamje të këngës së re “Snowchild” të The Weeknd me dy milionë klikime në YouTube.

Më pas, Bytyqi ka publikuar edhe shifrën e klikimeve të YouTube-it për këngën “Keep you dancing” të Jason Derulo, e cila ka vetëm 500 mijë klikime.

“500 mijë për një ditë këtij, shumë i dobët qenka”, ka shkruar Enisi në InsatStory.

Duke qenë se shqiptarët nuk kanë çasje dhe traditë të blerjes së këngëve në platformat muzikore si Apple Music apo Spotify, mund të jetë e pranueshme që shifrat e klikimeve të shqiptarëve në YouTube të jenë më të larta se zakonisht, por kur at sfidojnë shifrat e yjeve botërorë, atëherë lë vend për të dyshuar. /Telegrafi/