Enca shfaqet me masa mbrojtëse ndaj coronavirusit

Këngëtarja e njohur nga Shqipëria, Enca Haxhia, ka reflektuar pas zyrtarizimit të rasteve me coronavirus në Shqipëri, ku deri më tani siç u raportua numri i të prekurve ka arritur në mbi 20 persona.

Marrë parasysh se të gjithë janë të shqetësuar për situatën aktuale, reagimet dhe këshillat nga të famshmit në rrjetet sociale nuk kanë munguar.

Një të tillë së fundmi e ka bërë edhe 24-vjeçarja, e cila ka sjell një fotografi të vetes që tregon se ka marrë masa mbrojtëse ndaj virusit vdekjeprurës.

“Mbrojeni veten tuaj”, është përshkrimi që ia ka vënë fotos, ndërkohë që në videon tjetër të ndarë me ndjekësit shfaqet duke pastruar duart, si një nga gjërat primare për të parandaluar këtë pandemi globale.

Lexo po ashtu Të gjitha lajmet nga Enca Haxhia

Në njoftimin nga Ministria e Shëndetësisë dhe Mbrojtjes Sociale në Shqipëri thuhet se gjatë 24 orëve të fundit janë testuar 145 raste për COVID-19 dhe në total janë gjithsej 298 raste të testuara, prej të cilave 23 raste kanë rezultuar pozitiv për COVID-19,

Në anën tjetër, Haxhia po vazhdon të punojë për projektin e ri muzikor që pritet të publikohet shumë shpejt. /Telegrafi/