“El Clasico” për Bentancurin

Dy skuadrat më të mëdha spanjolle, Real Madridi dhe Barcelona janë duke mbajtur shënime mbi paraqitjet e mesfushorit të Juventusit, Rodrigo Bentancur.

Mesfushori uruguaian ka ardhur vetëm këtë sezon te Zonja e Vjetër nga Boca Juniors, edhe pse marrëveshja mes dy skuadrave ishte arritur një vit më parë.

Megjithatë, Bentancur ka arritur menjëherë të gjej veten dhe të luaj në skemat e trajnerit Massimiliano Allegri, duke bërë që shumë skuadra të mëdha të vihen pas shërbimeve të tij.

Lexo po ashtu Reali fiton El Clasicon në ‘merkato’, transferon Laporten?

Sipas CalcioNews24, Real Madridi dhe Barça kanë hedhur sytë tek Bentancur, kartoni i të cilit është paguar në tërësi nga Juve dhe vlera e tij është trefishuar në vetëm pak muaj.

Bardhezinjtë kanë paguar më pak se 10 milionë euro për 20-vjeçarin, i cili ishte pjesë e marrëveshjes që e çoi Carlos Tevezin në Boca Juniors në vitin 2015.

Lexo po ashtu Nga Szczesny te Costa, milionat e Juves që mbeten në bankën rezervë në dy javët e para në Serie A

Faqja e internetit shpjegon se si Los Blancos ishin të interesuar në uruguaianin para se të shkonte në Torino, ndërsa Barça ishte i impresionuar nga karakteri i tij gjatë fitores së tyre 3-0 kundër Barcelonës muajin e kaluar.

Ndryshe, Bentancur ka shfrytëzuar një krizë dëmtimesh në mesfushën e Juventusit për të bërë tetë paraqitje këtë sezon.

Çmimi i uruguaianit besohet se tani sillet rreth 25-30 milionë euro. /Telegrafi/