“Edhe po të vritem, nuk flas pa mu prezantuar dokumenti”- Tara vazhdon të refuzojë t’u përgjigjet pyetjeve të prokurores në Hagë

Ndonëse ZPS-ja dhe trupi gjykues janë duke insistuar që të vijohet me pyetje për dëshmitarin, Ismet Tara tha në Hagë se nuk do të përgjigjet për asgjë, derisa nuk i paraqitet dokumenti që po kërkon.

Prokurorja ia prezantoi disa dokumente, mirëpo Tara i njohur si komandant Hoxha tha se nuk janë.

Gjykatësi i kërkoi dëshmitarit Tara që të mos komentoi por vetëm të përgjigjet.

Prokurorja më pas i lexoj një pjesë të një deklarate që kishte dhënë Tara më parë, mirëpo ai sërish kundërshtoi duke thënë “kërkoj dokumentin, jo intervistat e mia këto i kam parë”

Tara tutje insistoi se nuk do të përgjigjet pa parë atë dokument të vitit 2019.

Lexo po ashtu Tensione në gjykimin në Hagë, komandant Hoxha: Prej këtij momenti nuk flas më asgjë

“Asnjë pyetje nuk i përgjigjem derisa të paraqitet dokumenti. Dyshimi im është që kjo është gjykatë e korruptuar. Nuk do ti përgjigjem asnjë pyetje”, tha Tara.

Gjyqtari reagoi duke i thënë se Tara mund të gjobitet për mosbindje ndaj urdhrave të gjykatës.

“Nuk po ndiqni rregullat ju lutem heshtni, përgjigjuni po ose jo, mund të gjobiteni për mosbindje ndaj gjykatës”, iu drejtua gjykatësi dëshmitarit Tara.

Komandat Hoxha vazhdoi të refuzoi të përgjigjet pavarësisht pyetjeve që i parashtronte prokurorja e ZPS-së.

“Edhe po të vritem nuk flas më pa mu prezantuar dokumenti”, tha Tara.

Gjyqtari kërkoi nga mbrojtja nëse do të vazhdoi me pyetjet ndaj komandat Hoxhës, mirëpo avokati  mbrojtës tha se nuk janë në gjendje të parashtrojnë pyetje në këtë situatë.

Gjyqtari ndërpriti seancën për gjysmë ore. /Telegrafi/