Edhe një barazim për Liverpoolin, Sevilla shmanget në krye (Video)

Spartak Moska dhe Liverpooli kanë luajtur baras (1-1) në ndeshjen e xhiros së dytë të fazës grupore të Ligës së Kampionëve.

Fernando e zhbllokoi rezultatin në minutën e 23-të me një gol të bukur nga gjuajtja e lirë.

Rezultati u barazua nga Philippe Coutinho (36’), pas kombinimit me Sadio Mane. Me rezultat të barabartë, ekipet shkuan në pushim.

Gjysma e dytë nuk prodhoi gola, ashtu që skuadra u desh të pajtoheshin me nga një pikë nga ky takim.

Është hera e dyta radhazi që Liverpooli barazon në kuadër të Grupit E dhe numëron vetëm dy pikë.

Edhe Spartak Moska numëron pikë të barabarta me Redsat pas dy barazimeve në dy xhirot e para.

https://twitter.com/footballpr0n/status/912758823575793669

https://twitter.com/BEVideos_/status/912758816739078144

Në përballjen tjetër të Grupit E, Sevilla ka regjistruar fitore bindëse (3-0) kundër Mariborit.

Të tre golat mbajnë firmën e Wissam Ben Yedder. Dy golat e parë, sulmuesi francez i shënoi nga loja e hapur (27’ dhe 38), ndërsa het-trikun e kompletoi nga pika e bardhë (83’).

Sevilla është në krye të Grupit E me katër pikë të arkëtuara nga dy xhirot e para. /Telegrafi/