E portretizuan si djalli, protestuesit djegin figurën e Rodrigo Duterte (Video)

Protestuesit me imazhet e presidentit filipinas Rodrigo Duterte portretizuar si djalli, djegën një figurë të kreut të shtetit jashtë pallatit të tij në kryeqytet, Manila në një protestë kundër shkeljeve të të drejtave të njeriut.

“I bëj thirrje popullit filipinas; i bëj thirrje avokatëve, të përmbushim parimet e profesionit tonë për drejtësi dhe shërbim ndaj njerëzve dhe të bashkohemi me ne në vendosjen e të drejtave të njeriut, sidomos sot, dhe duke u siguruar që tirania nuk do të ringjallet në vend”, tha Neri Colmenares, kongresmen dhe aktivist i majtë.

Ai doli përpara turmës gjatë protestës të së dielës që përkon me Ditën Ndërkombëtare të të Drejtave të Njeriut të mbështetur nga OKB.

Pjesa kryesore e demonstratës së mijëra njerëzve ishte një pikturë e përpunuar prej 12 këmbësh e Duterte, me panele që hapën për të zbuluar një imazh prej demoni të lyer me gjak të kuq.

Duterte ka udhëhequr një fushatë të ashpër kundër trafikantëve dhe përdoruesve të drogës, duke rezultuar në mbi 4,000 vdekje dhe duke tërhequr akuza për korrupsion dhe abuzim të pushtetit nga OJQ-të ndërkombëtare dhe opozitës vendase. /oranews.al/