E godet nga pas me veturë dhe ia drejton revolen, burri nga Florida i kundërpërgjigjet – shtie nga brendësia e veturës

Një burrë nga Florida ka filmuar veten nga brendësia e veturës duke shtënë me revole përmes xhamit të përparmë, në drejtim të një veture tjetër që po lëvizte para tij.

Burri prapa timonit i identifikuar si Marco Mazzetta, ka postuar videon në YouTube duke pretenduar se është munduar ta mbrojë veten, pasi besonte se ishte në rrezik se do ta qëllonin të tjerët, transmeton Telegrafi.

Mazzetta që voziste veturën në një autostradë në Orlando, kishte nxjerrë revolen nga brezi kur shoferi i një veture tjetër u filmua nga kamera duke e qëlluar i pari atë.

Në video shihet shoferi tjetër në mënyrë agresive duke vozitur dhe në një moment i afrohet shumë veturës së Mazzettas. Nga frika se mund ta pësojë, Mazzetta frenoi ku nga pas u godit nga një veturë tjetër.

Sikur kjo të mos mjaftonte, vetura që ndalet afër shihet se si shoferi i saj nxjerr revolen dhe ia drejton Mazzettas. Kjo bëri që ai të reagon ashpër – duke iu kundërpërgjigjur me disa të shtëna.

Madje disa momente më vonë ka raportuar vetë rastin në zyrën e sherifit për sulm me armë ndaj tij dhe mikut që ishte me të në veturë. /Telegrafi/