E marta (26 nëntor) filloi me disa tërmete të fuqishme në Shqipëri, i pari u regjistrua në orën 04:00 me shkallë të Rihterit 6.4 në Durrës, ndërsa i dyti i fuqishëm ishte me magnitudë 5.4 shkallë të Rihterit dhe u regjistrua në ora 07:10.
Dridhjet janë ndier shumë edhe në Kosovë, por nuk ka raportime për të lënduar, ndërsa në Shqipëri deri në orën 20:00 janë raportuar për 21 viktima dhe shumë të lënduar, më poshtë Telegrafi iu mban të informuar në kohë reale me atë që po ndodh në Shqipëri.
Lajme të rreme për një tërmet që mund ta godas Shqipërinë
Lajme që nuk janë të bazuara në informata kredibile dhe zyrtare janë shpërndarë nëpër rrjete sociale, që thonë se pas mesnate Shqipëria do të goditet nga një tjetër termet i fuqishëm.
Mblidhen pako me ushqim e veshmbathje në komunat e Kosovës, niset konvoji i parë me ndihma për në Shqipëri
Në Prishtinë, Mitrovicë, Gjilan e Ferizaj, janë mbledhur pako me ushqim e veshmbathje për familjet e prekura nga tërmetet sot në Shqipëri.
Në Prishtinë tifo grupi “Plisat” ka organizuar aksion për gumbullimin e gjërave të nevojshme si ushqim e veshmbathje ku gjatë ditës janë nisur për në Shqipëri.
Qëndroi për 17 orë nën beton, ndërron jetë i riu në Thumanë, shkon në 23 numri i të vdekurve
Është shënuar një tjetër viktimë në Shqipëri nga tërmeti i sotëm, që e ka çuar në 23 numrin e personave të vdekur.
Pasi kishte qëndruar për 17 orë nën rrënoja me ndihmën e popmës së oksigjenit, autoritetet lokale kishin shpresuar se i riu mund të nxirrej i gjallë nga aty.
Presidenti Meta: Kosova dha shembullin e shkëlqyer të solidaritetit dhe vëllazërisë
Presidenti i Shqipërisë, Ilir Meta ka falënderuar popullin e Kosovës për solidaritet me Shqipërinë pas tërmetit shkatërrimtar.
Meta, në një linjë telefonike në “Debat Plus” me Ermal Pandurin në RTV Dukagjini, ka thënë se Shqipëria ka qene e goditur nga tërmetet edhe para se ai të bëjë një paralajmërim për të ngritur masat në mënyrë që të përballen më situata të tilla më me efikasitet.
Edi Rama viziton të plagosurit në spital: Kjo ka qenë një ditë e rëndë për kombin shqiptar
Kryeministri i Shqipërisë, Edi Rama ka vizituar të plagosurit e tërmetit në Spitalin e Traumës dhe ka folur për mediat, duke thënë se nata e djeshme ishte nata më e keqe për të gjithë kombin shqiptar.
Ai po ashtu ka përgëzuar të gjitha strukturat që kanë dhënë ndihmë në teren, për përpjekjet heroike të bluazve të bardha, të cilët pa pushim po punojnë për të shpëtuar jetën e të plagosurve.
Banori nga Thumana: I kam katër anëtarë të familjes nën rrënoja, ushtarët e Kosovës po rrezikojnë jetën e tyre duke na ndihmuar
Vazhdojnë të vijnë rrëfime rrëqethëse nga Thumana për punën e Ushtrisë së Kosovës në përpjekje për të shpëtuar sa më shumë jetë pas tërmetit që shkaktoi shumë viktima.
Në një lidhje direkte për “Debat Plus” në RTV Dukagjini, një familjar, i cili thotë se ka nën rrënoja shumë familjarë, ka falënderuar shumë ushtarët e Kosovës.
Limaj në cilësinë e Koordinatorit Kombëtar: Kosova ka hap dyert për strehim familjeve shqiptare
Koordinatori Kombëtar i dy qeverive shqiptare, Fatmir Limaj, ka thënë se të gjitha komunat e Kosovës, janë të gatshme t’i strehojnë gjithë ato familje që kanë mbetur pa kulm mbi kokë.
Korporata ‘Dukagjini’ ndan 20 mijë euro për familjet e prekura nga tërmeti
Korporata ‘Dukagjini’ ka marr vendim që të ndaj 20 mijë euro ndihmë për të gjithë të prekurit nga tërmeti shkatërrimtar që ka goditur Shqipërinë.
Lajmi është bërë i ditur para pak minutash në emisionin Debat Plus të RTV Dukagjini, ku po diskutohet pikërisht për zhvillimet pas tërmetit.
Shkon në 22 numri i të vdekurve nga tërmeti në Shqipëri
Bilanci i viktimave nga tërmetet e sotme që kanë goditur Shqipërinë po shtohet vazhdimisht. Është bërë e ditur se numri i të vdekurve ka shkuar në 22.
Një nënë ka ndërruar jetë para pak çastesh, edhe pse ajo u nxor e gjallë nga rrënojat. Bëhet fjalë për 30-vjeçaren nga Durrësi, Diana Meçe.
Drejtori i Institutit Sizmologjik të Kosovës akuza për institucionet e Shqipërisë: E palogjikshme që një tërmet i tillë të shkaktojë aq shumë dëme
Drejtori i Institutit Sizmologjik të Kosovës, Shemsi Mustafa ka kritikuar institucionet përgjegjëse në Shqipëri për neglizhim të situatës.
Mustafa, në “Debat Plus” me Ermal Pandurin në RTV Dukagjini ka thënë se është e palogjikshme që tërmeti me një magnitudë të tillë të shkaktojë aq shumë dëme, përcjell Telegrafi.
Thaçi ngushëllon familjen e vëllezërve nga Gjilani, që humbën jetën nga tërmeti
Presidenti i Kosovës, Hashim Thaçi, i ka shprehur ngushëllime familjes Abazi nga Livoçi i Gjilanit për humbjen e dy vëllezërve si pasojë e tërmetit në Shqipëri.
Rrëfimi i banorit të Thumanës: Kati i parë ma shpëtoi familjen, katër sipër nesh vdiqën e për dy tjerë s’ka shpresë
Derisa mbrëmja tashmë ka arritur, banorët e Thumanës, fshatit më të prekur nga tërmeti në Shqipëri ende nuk kanë një strehë mbi kokë.
Banori i këtij fshati, Vladimir Haxhiu, në një videolidhje për RTV Dukagjinin ka rrëfyer momentet e vështira të mëngjesit të ditës së sotshme.
Pamje, momenti kur burri nxirret i gjallë nga rrënojat e pallatit në Thumanë
Një person është nxjerrë i gjallë nga forcat e kërkim-shpëtimit, ndërkohë që po vazhdon kërkimi edhe për persona të tjerë.
Në videon e siguruar nga tch, shihet kur një burrë, mbi të 30-at duke komunikuar me forcat e kërkim-shpëtimit.
Meta anulon pritjen shtetërore për Ditën e Flamurit në Shqipëri
Presidenti i Shqipërisë Ilir Meta ka vendosur të anulojë pritjen shtetërore me rastin e Ditës së Flamurit dhe Festës së Pavarësisë.
Sipas njoftimit për media anulimi është bërë për shkak të tragjedisë që ka ndodhur sot në Shqipëri, ku pas tërmeteve kanë mbetur të vdekur 21 persona ndërsa rreth 600 të lënduar.
Thellohet bilanci i tragjedisë së tërmetit, shkon në 21 numri të vdekurve
Një tërmet i fuqishëm 6.3 ballë ka goditur sot Shqipërinë. Zyrtarisht bëhet e ditur se 21 persona kanë humbur jetën, mes tyre 2 fëmijë, kurse 45 persona janë nxjerr të gjallë nga rrënojat.
Rama: Do të nënshkruajmë marrëveshje me hotele që të strehohen të gjitha familjet e mbetura pa çati
Kryeministri i Shqipërisë Edi Rama ka bërë një reagim për tërmetin e fuqishëm që goditi sot Shqipërinë, duke marrë deri më tani 20 jetë njerëzish dhe duke shembur shumë ndërtesa.
Kreu i qeverisë ka njoftuar se do të nënshkruhet një marrëveshje me strukturat hoteliere të Durrësit, Kavajës dhe edhe Vlorës për të strehuar të gjitha familjet që kanë mbetur pa shtëpi, pasi tërmetit të fuqishëm që goditi Shqipërinë mëngjesin e sotshëm.
Dy trupa tjerë të pajetë nxirren nga rrënojat, viktimat janë nënë e bir
Raportohet nga Thumana se ekipet e shpëtimit sapo kanë nxjerrë nga rrënojat dy trupa të tjerë të pajetë, duke e çuar në 20 numrin e të vdekurve nga termeti.
Ndërpriten operacionet e kërkim-shpëtimit për pak minuta, pasi tërmeti tjetër goditi Thumanë para pak çastesh
Pak minuta më parë është ndjerë një tjetër tërmet në Thumanë dhe kjo ka bërë që për pak minuta të ndërpritet edhe operacioni i kërkim-shpëtimit.
Pamjet që tregojnë fuqinë shkatërruese të tërmeteve të sotme në Shqipëri
Dita e martë e 26 nëntorit në Shqipëri ka filluar me tërmete të fuqishme, të cilat deri tash shkaktuan vdekjen e 20 personave dhe qindra të lënduar rëndë.
Pamjet në videon e mëposhtme tregojnë banorët të shqetësuar e të frikësuar tej mase, duke kërkuar ndihmë me zë të lartë, po ashtu edhe ndërtesat e rrënuara deri në themel.
Regjistrohet një termet i ri në Durrës
Sipas raportimeve të fundit një tërmet është regjistruaR para pak minutash në Shqipëri, me fuqi prej 4.52 shkallë të Rihterit.
Tërmeti ka ndodhur në Durrës rreth orës 18:00.
Promo
Reklamo këtu
Nga Etna Group
Nga Kosmonte Foods
Nga Bau Market
Nga GRUDA
Lufta Prigozhin - Putin
Më shumë
Detaje nga vrasja e djalit të ish-gjyqtarit, gjendet një makinë e djegur në Farkë
Asma, bronkiti, tuberkulozi e kanceri i mushkërive, doktoresha Mehmeti flet në podcastin “Shëndeti në rend të parë”
Granti prej 100 mijë eurove, LDK dorëzon kallëzim penal ndaj Pecit e Pacollit
Arratisje spektakolare e policit në Gjirokastër, kur mori vesh se do të arrestohej
Zogaj: Do të bëjmë pesë miliardë euro investime për një mandat, 30% të buxhetit të shtetit do ta çojmë në paga
Vritet 28-vjeçari në Tiranë, djali i ish-gjyqtarit për krime të rënda
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Më të lexuarat
Gjermania dhe Finlanda në alarm pasi një kabllo nënujore që lidhte dy vendet ka pasur “një ndërprerje”
Pesë fjalët e Zelenskyt për t'i shkaktuar frikë Putinit - përpara sulmeve me raketa amerikane thellë në Rusi
Arratisje spektakolare e policit në Gjirokastër, kur mori vesh se do të arrestohej
"Jemi të lumtur dhe tani presim kundërshtarin e play-offit" - Muriqi flet pas fitores
Rohde: Gjermania kufizon aktivitetet politike për zgjedhjet e Kosovës në territorin e saj
Kammer: Me këtë rritje Kosovës i duhen 20 vjet për të arritur te gjysma e standardit evropian