E ardhmja e Dybalas varet nga Liga e Kampionëve

E ardhmja e sulmuesit të Juventusit Paulo Dybala në Torino thuhet se varet nga kualifikimi i Zonjës së Vjetër në Ligën e Kampionëve.

Bianconerët rrezikojnë të humbasin kualifikimin në Ligën e Kampionëve në sezonin e ardhshëm, pasi ata aktualisht janë në vendin e tretë me Napolin dhe Milanin me nga 66 pikë.

Pesë skuadra po luftojnë për tre vende në Ligën e Kampionëve dhe Il Corriere dello Sport raporton se një vend në konkursin prestigjioz mund të jetë edhe më i rëndësishëm për Dybalan.

Lexo po ashtu Ronaldo, Dybala dhe Morata përballen me të ardhmen e pasigurt te Juventusi

Argjentinasi ka luftuar me COVID-19 dhe dëmtime këtë sezon dhe vetëm së fundmi u kthye në aksion me Zonjën e Vjetër.

27-vjeçari, i cili u bashkua me Juventusin nga Palermo në korrik të vitit 2015 luajti vetëm 16 herë në Serie A këtë sezon dhe marrëveshja e tij aktuale skadon në qershor të vitit 2022.

Juventusi nuk ka arritur një marrëveshje mbi rinovimin me lojtarin dhe mund të detyrohet të shesë këtë verë për të shmangur humbjen e tij në një transferim falas vitin e ardhshëm.

Lexo po ashtu Tensione të mëdha mes Juventusit dhe Dybalas, shkak kontrata

Gazeta pretendon se Juventusi do ta nxjerrë argjentinasin në shitje nëse nuk arrijnë të kualifikohen në Ligën e Kampionëve, si një peng për të ndihmuar bilancet financiare.

E ardhmja e Dybalasthuhet se varet edhe nga e ardhmja e Cristiano Ronaldos, por vetë lojtari dëshiron të mbetet në Allianz Stadium. /Telegrafi/