Dyshoni se kablloja juaj USB është hakuar, mënyrat që ta kuptoni këtë

Nuk është e lehtë të njohësh një kabllo USB-C të hakuar, sepse ato nuk ndryshojnë nga ato të zakonshme në pamje, por diçka mund të bëhet ende.

Hakerët kanë zbuluar një mënyrë për të keqpërdorur kabllon USB-C, për të hakuar kompjuterët e përdoruesve.

Kabllot e para të tilla u zbuluan në vitin 2008, por ato ishin të shtrenjta dhe të rralla atëherë.

Ndërkohë, situata ka ndryshuar, dhe kabllo të tilla mund të blihen si “kabllo spiun”, transmeton Telegrafi.

Duke pasur parasysh se ato duken të padallueshme nga ato të zakonshmet, nuk është e lehtë të dallosh kabllot me qëllim të keq USB-C.

Ato zbulohen më lehtë nga skanimi me rreze X ose CT 3D, megjithëse ky opsion nuk është i disponueshëm për shumicën e përdoruesve.

Prandaj, është e nevojshme t’i përmbahen disa metodave të përgjithshme, parandaluese: mos blini kabllo nga burime dhe shitës jo të besueshëm; mos i përdorni në vende të pabesueshme. Është mirë të blini kabllo origjinale që vijnë direkt nga prodhuesi.

Nëse po trajtoni të dhëna shumë të ndjeshme, zakonisht në këto situata kompanitë dhe organizatat qeveritare përdorin shërbime që mund të zbulojnë kabllot me qëllim të keq. /Telegrafi/