Dyshime në referim për ndeshjen në mes Milanit dhe Fiorentinës

Ka mendime të ndryshme nga ekspertë të ndryshëm të gjyqtarëve italianë nëse goli i sekondave të fundit i Milanit kundër Fiorentinës duhej të ishte anuluar.

Ante Rebic ishte në mes të tij, pasi fillimisht kapi Alfred Duncan, pastaj sfidoi Pietro Terracciano nga një krosim i Aster Vranckx, e topi më pas u fut në rrjetë nga Nikola Milenkovic (auto-gol).

Viola mendoi se aty kishte dy faulle të mundshme të shkaktuara nga kroati, por vendimet e ish-arbitërve në kanalet televizive italiane janë shumë të ndryshme.

2022, you've been pretty good 😏#MilanFiorentina #SempreMilan pic.twitter.com/UQYSrzFkQf

— AC Milan (@acmilan) November 13, 2022

Në Sky Sport Italia, Gianpaolo Calvarese thotë se Rebic e pengoi Terracciano të arrinte topin, kështu që duhej të anulohej për një faull ndaj portierit.

“A do të kishte qenë në gjendje Terracciano të kapte topin nëse Rebic nuk do të kishte qenë atje? Ju duhet të thoni po, prandaj VAR duhet ta kishte thirrur atë për një rishikim në fushë dhe ta anulonte golin”, ka thënë ai.

Worth all three points 🛡️ https://t.co/lyfPXvxrYL

— AC Milan (@acmilan) November 13, 2022

Megjithatë, eksperti i DAZN, Luca Marelli këmbëngul se të dyja këto incidente janë shumë të hapura për interpretim dhe arbitri ishte në një pozicion ideal për t’i parë ato.

“Dhënia e golit ishte e drejtë, veçanërisht pasi sfida ndaj Duncanit ishte më shumë një faull sesa ajo ndaj Terraccianos. Ju mund të shihni portierin që nxiton dhe lëviz drejt Rebic dhe jo anasjelltas”, pohoi ai. /Telegrafi/