Dybala dëshiron rritje page në kontratën e re me Romën

Paulo Dybala ishte ylli i Romën këtë sezon dhe ai dëshiron një rritje të pagës në kontratën e tij të re me klubin, shkruan Corriere dello Sport.

Ylli 29-vjeçar argjentinas nënshkroi për Giallorossët verën e kaluar si transferim i lirë, duke nënshkruar një kontratë trevjeçare.

Ai është aktualisht lojtari më i paguar në skuadër dhe me golat dhe asistimet e tij ai ka arritur rreth 6 milionë euro neto këtë sezon.

Një faktor kyç në kontratën e Dybalas është klauzola e tij e lirimit prej 12 milionë eurosh, e vlefshme për klubet e huaja.

Roma dëshiron ta heqë këtë dhe të mbrojë yllin e tyre, por kjo me sa duket nuk do të jetë e lirë, edhe pse lumturia e argjentinasit në klub premton shumë.

Sipas Corriere dello Sport, Dybala aktualisht është në pushime deri më 10 korrik, duke shtyrë çdo bisedë për kontratë, por është bërë e qartë se ai dëshiron një rritje në marrëveshjen e re me Romën, veçanërisht pasi klubet nga Liga Premier tashmë e kanë kontaktuar dhe kanë shprehur interesim.

Lexo po ashtu Pesë blerjet më të mira të sezonit 2022-23 në Serie A

Negociatat do të fillojnë së shpejti mes Romës dhe Dybalas, ku klubi do të përpiqet të gjejë një rrugë të mesme duke shtuar bonuse në marrëveshjen e tij dhe duke hequr klauzolën e lirimit. /Telegrafi/