Dukesha e diamanteve – Meghan Markle shëtit në New York me aksesorë në vlerë mbi 350 mijë euro

Dukesha e Sussex-it shkëlqeu me dukjen e saj të mbushur me xhevahire në vlerë mbi 300,000 funte (351,000 euro) ndërsa doli sot në New York me Princin Harry.

Meghan Markle, 40 vjeçe, e cila aktualisht jeton në rezidencën e saj prej 14 milionë dollarësh (11.9 milionë eurosh) në Kaliforni, pasi u tërhoq nga detyra mbretërore vitin e kaluar, iu bashkua Dukës për të vizituar One World Trade Center këtë mëngjes.

Dhe ndërsa veshja e saj dukej e thjeshtë, jo të tilla ishin edhe aksesorët, pasi ajo mbante një sasi marramendëse bizhuterish, duke përfshirë unazën e saj të fejesës prej 271,000 funtesh (317,000 eurosh) dhe orën ‘Cartier’ të Princeshës Diana në vlerë 17,800 funte (20,000 euro), shkruan DailyMail.

Dukesha, e cila njihet për dashurinë e saj ndaj bizhuterive simbolike, gjithashtu tregoi unazën e saj të re misterioze ngjyrë rozë, e cila besohet se është bërë me ‘diamante të dhuruar nga Lindja e Mesme’.

Fillimisht, Harry dhe Meghan mohuan pretendimet se unaza, e bërë nga argjendaria e famshme “Lorraine Schwartz” thuhet se vlen rreth 45,000 funte (52,000 dollarë), ishte krijuar me diamante të dhuruar çiftit nga një donator misterioz në Lindjen e Mesme.

Por në një kthesë spektakolare, ata më vonë hodhën poshtë mohimin dhe sqaruan se ata po i referoheshin vetëm një unaze në dorën e majtë të Meghanit – një unaze rozë prej 380 funtesh (444 dollarë) nga ‘Shiffon’, e cila do të thotë të përfaqësojë fuqizimin e grave.

Ora, që mendohet të jetë një dhuratë nga Harry, vlente 17,800 funte në kohën kur ia dhuroi, por tani ka të ngjarë të ketë vlerë shumë më tepër duke pasur parasysh historinë e saj.

Ora elegante ‘Cartier’ i përkiste Princeshës Diana dhe ajo e vuri atë në një numër rastesh, duke përfshirë një vizitë në vitin 1997 në Tempullin Shri Swaminarayan Mandir Hindu të Londrës në vitin 1997 dhe një fejesë në Fondacionin Britanik të Mushkërive atë vit.

Meghanit i janë dhuruar disa artikuj nga koleksioni i Dianës. Ato përfshijnë vathët e fluturave të Dianës dhe byzylykun prej ari të cilët ajo i vuri në turneun e tyre australian në vitin 2018.

Ora ‘Cartier’ i ishte dhuruar Dianës nga babai i saj në ditëlindjen e saj të 21 -të. /Telegrafi/