Duart e buta…

Pa marrë parasysh se a bëhet fjalë për flirtim, për darkë, intervistë për vendin tuaj të ri të punës: çdokund do t'jua shikojnë gishtat ...

‘Duart zbulojnë se kush jemi’, thotë një fjalë e vjetër popullore. Dhe për këtë nuk duhet të jemi profet: edhe neve një shikim i shkurtër tek duart na zbulon shumë gjëra për një njeri – e jo vetëm moshën e tij.

Nuk janë vetëm ndihmës të rëndësishëm, por edhe vizitkarta jonë në fushën e bukurisë. Për këtë arsye duhet edhe t’i mirëmbajmë.

Përgjithmonë e re dhe e bukur
Në pjesën e jashtme të dorës, lëkura ka shumë pak gjëndra dhjamore dhe për këtë arsye edhe një shtresë tejet të hollë mbrojtëse. Mu për këtë, me kalimin e kohës, lëkura e humb elasticitetin dhe mund të vërehen shenjat e plakjes së lëkurës. Kjo është arsyeja pse pas çdo larjeje, duart duhet t’i lyeni me krem! Në këtë mënyrë, lëkura furnizohet me yndyrë dhe lagë shti të mjaftueshme dhe mbetet e butë dhe e lëmuar. Këshillë: lëngjet speciale kundër plakjes ju mbrojnë nga "njollat e plakjes" në lëkurë.Për duar të buta
… këshillohet që së paku një herë në javë të zhvoshket lëkura e duarve. Në këtë mënyrë do të largoni zbokthin e terur të lëkurës dhe duart e vrazhda sërish bëhen të buta si mëndafsh. Këshilla për të kursyer: ata që dëshirojnë, mund të përziej në vetë materialin për zhvoshkjen e lëkurës! Përzieni ca vaj për foshnje, respektivisht vaj lule dielli me sheqer dhe fërkojini me të duart për dy minuta. Ndihmon gjithashtu, nëse gjatë larjes i fërkoni fuqishëm duart me furçë, pasi kjo e stimulon qarkullimin e gjakut!

Pastrimi i këndeve
Parandalon lëkurën e thyeshme të thonjve: lëkurën bëjeni të lëmueshme me krem apo me zbutës të lëkurës së thonjve, e më pas shtyjeni prapa përzierjen me kujdes dhe butësi, me ndihmën e një shkopi. Kujdes: kurrë mos i prisni thonjtë me gërshërë! Më pas, duarve u bëni masazh me vaj ulliri apo krem për lëkurë të thonjve.

Maska
Një përkujdesje e jashtëzakonshme gjatë natës: lyejini duart me krem të trashë, vendosni në duar dorëzat nga pambuku, bartini gjatë gjithë natës, në mënyrë që lëkura të thithë yndyrën. Edhe më regjeneruese janë të ashtuquajturat maska javore.
Forcon lëkurën dhe thonjtë: trajtojini duart me vaj të nxehtë ulliri për 5-10 minuta. Më së miri në mbrëmje. pasi Që atëherë duart kanë veti më të mira thithëse.

Thonjtë e përkryer

Pa marrë parasysh se a me ngjyrë të kuqe, apo me ndriçim: para se ta vendosni llakun, thonjtë duhet të jenë në formë të përkryer!

1. Forcimi
Çka ju ndihmon vërtet kundër thonjve të thyeshëm?
* Për katër javë me radhë i lyeni thonjtë me materie për forcimin e thonjve. Edhe masazhet, me ca pika vaji të nxehtë ulliri, i bëjnë thonjtë më të qëndrueshëm.
* Prodhimet ushqimore, të pasura me kalcium (si për shembull qumështi, perimet e gjelbra), zinku (arrat) dhe një trajtim me ndonjë krem, forcojnë thonjtë nga brenda.

2. Shkëlqimi i thonjve
Thonj me ngjyrë të verdhë? Thonjtë marrin këtë ngjyrë për shkak të pigmenteve të ngjyrës së llaqeve, të cilat kanë depërtuar në pllakën e thoit.
* Për të parandaluar këtë, përdorni llak special, për të lyer thonjtë, para se t’i lyeni ata me llak me ngjyrë.
* Thonjtë pa llak, në vazhdimësi fërkojini me një gjysmë limoni.
* SOS-ndihmë: përdorni zbardhës për thonjtë: ai i ndriçon thonjtë dhe u jep një shkëlqim të lehtë.

3. Formësimi
Ato që ndjekin trendet, thonjtë gjatë vjeshtës dhe dimrit i lyejnë me ngjyrë të kuqe dhe i mbajnë të shkurtë – por gjithsesi të formësuara në formë të lehtë këndore.

Me rëndësi: për të mbrojtur thonjtë nga plasaritjet, skalitini vetëm në një drejtim, nga jashtë brenda. /Telegrafi/