“Dua të bëhem legjendë”, katër rastet kur Tonali deklaroi publikisht se nuk do të largohej kurrë nga Milani

Sandro Tonali ka thënë vazhdimisht se nuk do të largohej nga Milani gjatë viteve të fundit, por tani është i vendosur të bashkohet me Newcastle United për më shumë se 70 milionë euro.

Newcastle do të përfundojnë sot (e premte) nënshkrimin e Tonalit me italianin që pritet t’i nënshtrohet testeve mjekësore në Rumani, ku ai është në detyrë me Italinë U21.

Ai do të nënshkruajë një marrëveshje 8 milionë euro në vit plus 2 milionë euro bonuse, ndërsa Newcastle do të paguajë 70 milionë euro plus bonuse, që besohet të jenë rreth 10 milionë euro.

Tonali aktualisht fiton 3.5 milionë euro në sezon me Milanin dhe kjo mund të ketë qenë arsyeja pse italiani vendosi të largohet nga Rossonerë.

Mesfushori italian është një tifoz i vendosur i Milanit dhe ka thënë shumë herë në vitet e fundit se nuk do ta konsideronte largimin nga kuqezinjtë.

Mediumi La Gazzetta dello Sport ka bashkuar katër deklarata të 23-vjeçarit që thotë se ai nuk donte të largohej nga San Siro.

Intervistë me Corriere della Sera dy vjet më parë

Po sikur Milani të marrë një ofertë të madhe ngaLiga Premier?

“E di se çfarë kam bërë për të arritur te kjo fanellë dhe nuk do të bëja kurrë gabimin të largohesha. E di që është e vështirë, veçanërisht në futboll sot, por ëndërroj të bëhem një Bandiera (legjendë) e Milanit. Dhe unë do të bëj gjithçka për ta bërë këtë.”

La Gazzetta dello Sport, maj 2022

“Ulja e pagës për Milanin ishte mendimi im i fundit, si rinovimi. Sepse unë patjetër dua të qëndroj këtu, kontratë pas kontrate. Do të ishte mirë të bëhesha Bandiera , por me besëtytni nuk shikoj aq larg”.

Intervistë me revistën Sette, gusht 2022

“Nuk kishte asnjë shans për t’iu bashkuar Milanit kur isha dhjetë vjeç. Unë arrita aty në kohën e duhur. Dhe unë dua të qëndroj këtu.”

“Sogno di essere una bandiera”, “Voglio restare per sempre”: tutti i ‘Ti amo’ di Tonali al Milan #calciomercato https://t.co/ft9XKbQouT

— La Gazzetta dello Sport (@Gazzetta_it) June 22, 2023

La Gazzetta dello Sport, dhjetor 2022

“Dua të qëndroj për aq kohë sa të mundem. Nëse më pyesni sot, do të them për pjesën tjetër të karrierës sime. Por është shumë herët për të bërë një premtim të tillë. Dëshira ka rëndësi, por shumë faktorë të tjerë mund të ndikojnë në një vendim: shëndeti, lëndimet dhe familja. Është e pamundur të bëhen parashikime të tilla afatgjata”.

Tonali shkurtoi pagën e tij për t’u kthyer në Milan në një transferim të përhershëm nga Brescia në vitin 2021 pas një huazimi zhgënjyes njëvjeçar në sezonin 2020/21.

Ai ka bërë 131 paraqitje me gjigantët e Serie A, duke shënuar shtatë gola. /Telegrafi/