Dua Lipa ribashkohet me Isaac Carew pas ndarjes nga Paul Klein?

Duket se Dua Lipa ka thyer “rregullat” e saj personale duke ju rikthyer një dashurie të vjetër.

Këngëtarja shqiptare sipas mediave në Britani të Madhe i është kthyer lidhjes së saj Isaac Carew vetëm muaj pasi ishte ndarë nga frontmeni i grupit “LANY”, Paul Klein.

Këngëtarja thuhet se ka shkëmbyer mesazhe me ish të dashurin e saj dhe dyshja duket të jenë mjaft seriozë për romancën e tyre.

Modeli dhe personazhi televiziv Carew nga ana tjetër ka preferuar që kontaktin ta mbajë larg prej syrit të mediave.

Dyshja besohet se kanë kaluar shumë kohë së bashku që prej ndarjes së Duas nga 29 vjeçari Klein, me një burim që parashikon një lidhje serioze për çiftin.

“Gjërat po nxehen shumë mes Duas dhe Isaac, ai është përreth saj tash e sa kohë. Ata kanë një lidhje të fortë”, u shpreh burimi për Mirror.

Dua dhe Isaac u ndanë shkurtin e vitit të kaluar pas një lidhje dy vjeçare, por filluan që t’i rikthehen lidhjes së tyre edhe një herë këtë vit.

Mediat në Britani besojnë se Dua është joshur edhe nga Calvin Harris, me këtë të fundit që madje e ftoi për një takim pas Brit Awards, por ai përfundoi duke i bërë një këngë këngëtares nga Prishtina, pa pasur ndonjë gjë romantike me të.

Tabloidet rikthimin e Duas me Isaac e konsiderojnë një vendosje të rregullave të reja për Duan, pasi vet ajo i këndoi kundër një ribashkimi me ish të dashurin në superhitin “New Rules”.

Përkundër jetës së saj private mjaf intensive, Dua po shënon suksese në aspektin muzikor.

Ajo pati një vit fantastik, duke rrëmbyer dy çmime në Brit Awards. /Telegrafi/