Drejtuesit e Liverpoolin prishin planet e Kloppit, bllokojnë negociatat me Bayernin për Alcantaran

Liverpooli dhe Bayern Munich kanë arritur në një bllokim për negociatat për mesfushorin Thiago Alcantara.

Sipas mediumit Kicker, trajneri i Reds, Jurgen Klopp është një tifoz i madh i lojtarit, por drejtuesit e klubit nga Anfield nuk janë të gatshëm të paguajnë çmimin e kërkuar për lojtarin.

Bayerni thuhet se çmon mesfushorin e tyre dhe kërkojnë 27 milionë funte për ta lënë të lirë të largohet kur i kanë mbetur edhe një vit në kontratën e tij.

Lexo po ashtu Rummenigge konfirmon se Thiago Alcantara do të largohet nga Bayern Munichu

Spanjolli u ka thënë Bavarezëve se është i prirur për një sfidë të re dhe nuk do të zgjasë qëndrimin e tij në Gjermani.

Thiago ka parë si pozitiv një transferim te Liverpooli, por Reds nuk po ecin përpara për të materializuar një transferim.

Lexo po ashtu Top 10 transferimet që mund të ndodhin në këtë verë – klubet angleze mund ta marrin kreun

Kampionët e Ligës Premier kanë interes për lojtarin, por drejtuesit e klubit kërkojnë të kursejnë para dhe jo t’i shpenzojnë ato pas krizës së coronavirusit.

Ekzistojnë gjithashtu shqetësime për moshën e Thiago, i cili ka 29 vjeç dhe rekordin e tij të dëmtimeve, i cili nuk ka qenë i shkëlqyeshëm në Gjermani. /Telegrafi/