Drejtori i Interit, Marotta konfirmon takimin me Barcelonën për të diskutuar transferimet

Barcelona dhe Interi janë takuar për të diskutuar marrëveshjet e mundshme mes dy klubeve këtë verë, pasi të dy kërkojnë të forcohen pa shpenzuar shumë.

Drejtori sportiv i Interit, Piero Ausilio, u pa në kompleksin sportiv të Barcelonës javën e kaluar, duke u takuar me sa duket me homologët e tij të Barcelonës, Jordi Cruyff dhe Mateu Alemany.

Duke folur për DAZN, drejtori i Interit, Giuseppe ‘Beppe’ Marotta konfirmoi se Ausilio kishte shkuar në Barcelonë për të biseduar.

Qëllimi i takimit ishte “krijimi i bazës për sezonin e ardhshëm”, por e hodhi poshtë disi edhe atë, si “asgjë e jashtëzakonshme”.Marotta vazhdoi të thoshte se ishte vetëm një pjesë e punës së Ausilios.

Lexo po ashtu Barcelona dhe Interi takim për afatin kalimtar veror, diskutohet për dy mesfushorët

“Aktiviteti i Piero Ausilios është të ketë kontakte dhe udhëtime, është pjesë e aktiviteteve normale të një drejtori sportiv”.

“Është mirë që ka biseda për të marrë ide dhe për të krijuar bazën për sezonin e ardhshëm. Nuk ka asgjë të jashtëzakonshme, është diçka që Piero di të bëjë me shumë përvojë”, ka thënë Marotta.

Barcelona dhe Interi janë lidhur kryesisht me të bërit biznes për dy lojtarë në veçanti. Disa kanë pyetur veten nëse Blaugranët mund të përpiqet të përfitojnë nga interesi për Franck Kessie këtë verë, pavarësisht pohimeve të vazhdueshme se ai do të mbetet në klub.

Megjithatë, marrja e një fitimi të madh financiar për Kessie duket se ka më shumë gjasa të vijë përmes Ligës Premier.

Nga ana tjetër, Marcelo Brozovic mendohet të jetë dikush me interes për Barcelonën, ideja është se ai ndoshta mund të ofrojë një alternativë për Sergio Busquets në rolin e mesfushorit kryesor. /Telegrafi/