Drejtori i Interit, Antonello: Të gjithë e duan Icardin, ai është pjesë e rëndësishme e klubit

Drejtori i Interit, Alessandro Antonello, ka siguruar tifozët se do të bëjnë çdo gjë që është e drejtë për të mbajtur Mauro Icardin, por nuk diskutojë zërat e Juventusit.

Gjatë ditës së mërkurë është deklaruar se Juventusi ka ofruar 50 milionë euro plus shërbimet e Gonzalo Higuain për kapitenin e Nerazzurrëve.

Kjo ofertë e Bainconerëve erdhi pasi sulmuesi argjentinas ka një klauzolë lirimi prej 110 milionë eurosh, por e cila nuk është e vlefshme për klubet e Serie A.

Lexo po ashtu Oferta e Juves për Icardin, përfshihet edhe Higuain

Për të ardhmen e Icardit ka folur drejtori i Interit, Antonello, i cili ka thënë që klubi do të bëjë gjithçka për ta mbajtur atë pasi është pjesë e rëndësishme e klubit.

“Ne do të bëjmë gjithçka që është e drejtë për të mbajtur kapitenin tonë, ai është një pjesë shumë e rëndësishme e klubit tonë”, ka thënë fillimisht Antonello për RMC Sport.

“Juventus? Sezoni sapo ka përfunduar dhe tashmë flitet shumë për thashethemet e transferimeve”.

Lexo po ashtu Thohir: Icardi vlen 400 milionë euro

“Duhet të qëndrojmë të qetë, ne kemi planet tona”.

“Së pari ne duhet të mendojmë për përfundimin e vitit financiar, tani atëherë do të mendojmë për nënshkrimet për sezonin e ardhshëm”, përfundoi drejtori i Interit. /Telegrafi/