Futbollisti brazilian, Douglas Costa, është përfshirë në një aksident komunikacioni derisa po udhëtonte ndërmjet Livorno Ferraris dhe Santhia.
Automjeti i tij, Jeep Cherokee, është përplasur me një Fiat Punto, ndërsa në rrjetet sociale janë publikuar imazhe nga aksidenti.
https://twitter.com/footynews33/status/1092425087201001472
Në fotografi shihet se vetura e 28-vjeçarit është dëmtuar në pjesën e përparme, kurse vetura tjetër është shumë e shkatërruar.
Lojtari i Juventusit nuk ka pësuar lëndime serioze, për dallim prej vozitësit të automjetit tjetër, i cili është dërguar në spital për mjekim.
Costa luan te kampioni i Italisë që nga viti 2017 kur ishte huazuar nga Bayern Munichu.
Në vitin e kaluar, transferimi u bë i përhershëm dhe anësori pritet të qëndrojë një kohë të gjatë në Torino.
Këtë sezon, ai ka luajtur në 17 ndeshje për Zonjën e vjetër, 10 prej të cilave i ka nisur nga banka rezervë, ndërsa ka shënuar vetëm një gol. /Telegrafi/
