Detajet më të vogla të fotografisë me 24.9 miliardë pixel, duhet të shihen për t’u besuar (Foto)

Fotografia e mahnitshme që u postua në Twitter para disa ditësh, është bërë virale sepse i vërehen edhe detajet më të vogla.

Panorama e Shangait të Kinës, e realizuar me 24.9 miliardë pixel, mund të selektohet në çdo hapësirë dhe të zmadhohet, transmeton Telegrafi. Të zmadhohet sërish edhe më shumë. Pastaj prapë të zmadhohet.

Megjithëse gjithçka fillon sipër një qiellgërvishtësi, mund të përfundoni edhe mbi sipërfaqen e fijeve të barit.

Shikuesit e fotografisë, që nuk ndalonin së shikuari detajet e mahnitshme, shpërndanë disa prej skenave më interesante që u panë në kryeqytet.

Pa dyshim, njerëzit shikonin për detaje sa më qesharake dhe pse jo, të gjejnë dikë që ndodhet në një pozitë sa më të pa lakmueshme, sikur ky njeri që e kruante hundën.

Për fat të mirë, nuk ka pasur ndonjë çift në marrëdhënie intime, që nuk kishte mbyllur perdet e dritareve. Imazhi i realizuar nga BigPixel është mbikëqyrur prej zyrtarëve të Shangait, raporton Mashable.

Ekipi ka realizuar edhe fotografi të panoramave të qyteteve tjera dhe plazheve të ndryshme, por ky është i vetmi rast që përdoren dhjetëra miliardë pixel dhe dallimi vërehet. /Telegrafi/