Deshi të argëtohet paksa me kobrën, indiani e vuri rreth qafës – gjarpri e kafshoi dhe mbeti i vdekur në vend (Video)

Një djalë i ri në Indi humbi jetën, kur kobrën që e kishte të mbështjell rreth qafës e kafshoi në dorë.

Ch Jagadish, 24-vjeç, po vizitonte 50-vjeçarin Gurunadham Ramesh, ekspert i gjarpinjve ndryshe i njohur edhe si Ramaiha në fshatin Sullurpeta në Andhra Pradesh, transmeton Telegrafi.

Në videon e publikuar më poshtë të cilën e ka filmuar me telefon të mençur shoku i viktimës, shfaq ekspertin e gjarpinjve duke nxjerrë nga një shportë gjarprin të cilin ia jep Jagadishit.

I gëzuar që për herë të parë në jetë po mbante në duar një kobra, Jagadish filloi kinse t’i vërsulet të pranishmëve për t’i frikësuar dhe në një moment e vë në qafë gjarprin.

Por derisa po e filmonte miku, atë e kafshoi në dorë kobra, kafshim ky që ishte vdekjeprurës për të riun. Edhe pse ishte dërguar me urgjencë në spital, aty vetëm sa është konstatuar vdekja e tij. /Telegrafi/