Demonstrata dhe përleshje me policinë në shtet të ndryshme të Evropës, shkaku i vdekjes nën presion të burrit me ngjyrë George Floyd

Shkaku i vdekjes nën presion të burrit me ngjyrë George Floyd, në shumë shtete të botës janë zhvilluar demonstrata dhe përleshje me forcat policore.

Për më se një javë, njerëzit i kanë mbushur rrugët dhe qëndruan para ambasadave të Shteteve të Bashkuara – pasi një i arrestuar thërriste se “nuk mund të marr frymë”, derisa një polic ia mbajti gjurin në fyt për afro nëntë minuta, gjatë të hënës së kaluar në Minnesota, transmeton Telegrafi.

Burra dhe gra të maskuara hedhën gurë dhe gjësende të forta në drejtim të forcave policore, ndërsa qëlluan dhe ia vunë zjarrin ndërtesave të ndryshme qeveritare, por shkaktuan dëme edhe në pronat private.

Këto demonstrata janë përhapur edhe në shtete të ndryshme të Evropës, ku banorët e shqetësuar me vdekjen e Floyd, kanë demonstruar kundër dhunës në baza racore.

“Racizmi është një pandemi që zgjatë tërë jetën”, ka qenë një prej sloganeve që është parë gjatë demonstratave që u zhvilluan në Utrecht të Holandës.

Në Paris është shfaqur një grafit në mur, ku shfaqet Donald Trump me një bibël në dorë, derisa gjurin e ka vënë në qafën e një burri me ngjyrë, që duket si Floyd. Qindra njerëz demonstruan edhe në Greqi, ndërsa u treguan të dhunshëm dhe u përleshën me policët në Athinë.

Të shumta kanë qenë demonstrata lidhur me vdekjen e afro amerikanit, i cili nuk ishte i armatosur dhe po qëndronte nën arrest, derisa po i shkaktohej dhuna që i kushtoi me jetë. /Telegrafi/