Deco thyen heshtjen, tregon vendimin e klubit rreth shitjes së Pedrit

Barcelona mban qëndrimin e saj ndaj Pedrit, duke hedhur poshtë çdo spekulim për largimin e tij të mundshëm gjatë afatit kalimtar veror.

Drejtori sportiv i klubit, Deco, ka hedhur poshtë prerazi thashethemet që kanë qarkulluar javën e kaluar ku media të ndryshime spanjolle kanë raportuar se Barca mund të tundohej nga ofertat për shitjen e mesfushorit spanjoll.

Deco ka konfirmuar se Pedri është një futbollist themelor i katalunasve dhe nuk duan ta humbasin atë për të ardhmen.

Lexo po ashtu Barcelona e hapur për të shitur yllin e madh të ekipit

“Pedri është një lojtar themelor për të ardhmen e klubit dhe ne nuk duam ta humbim atë”, tha Deco për sa i përket të ardhmes së Pedrit..

Pavarësisht se është lënë jashtë formacionit startues në ndeshjen e fundit kundër Gironas, mesazhi i Barcelonës për Pedrin mbetet i qartë: klubi beson në talentin dhe potencialin e lojtarit të ri dhe nuk ka ndërmend të dëgjojë ofertat për të në periudhën e ardhshme të afatit kalimtar të futbollistëve.

Lexo po ashtu "Puzzle" i Decos: Sa ka para, kush mund të largohet dhe kush mund të vijë te Barcelona

21-vjeçari ka pësuar disa lëndime këtë edicion dhe nuk ka mundur t’i ndihmojë Barcelonës në ndeshjet kryesore, duke humbur 19 ndeshje mes La Ligas, Ligës së Kampionëve dhe Copa del Rey.

Reprezentuesi spanjoll këtë edicion ka zhvilluar 30 ndeshje, ku ka realizuar dy gola dhe ka asistuar në pesë të tjerë. /Telegrafi/