De Gea te Juventusi si transferim i lirë?

Kampionët italianë Juventusi kanë një plan afatgjatë për të afruar portierin e Manchester Unitedit dhe Spanjës, David De Gea.

Mediumi The Times raporton se trajneri i Unitedit, Jose Mourinho, është i shqetësuar se portieri spanjoll do të largohet drejt Bianconerëve në një transferim të lirë, kur skadon marrëveshja e tij në Old Trafford.

Marrëveshja aktuale e 27-vjeçarit në Angli skadon në qershor të vitit 2019, megjithëse Djajtë e Kuq kanë një mundësi për ta zgjeruar atë me një vit tjetër.

Lexo po ashtu De Gea nuk nënshkruan kontratën e re me Unitedin?

“De Gea luajti kundër klubit të tij të ardhshëm të martën”, thuhet në një raport që citon burime nga Unitedi.

“Juventusi është një ekspert në marrëveshjet inteligjente”.

“Nëse Unitedi nuk e shesin atë në verë, Juventusi do të presë deri në fund të kontratës së tij”.

Lexo po ashtu Eksod nga Manchester Unitedi, 10 lojtarë mund të largohen

De Gea, i cili u ndesh me Juven në mbrëmjen e së martës, ka qenë prej kohësh i lidhur me një lëvizje në Real Madrid, por këto thashetheme kanë vdekur pas lëvizjes së Thibaut Courtois në verë.

Ndryshe, klubi anglez dhe De Gea tash e sa kohë nuk po mund të arrijnë marrëveshje rinovimi. /Telegrafi/