DAP me apel deri te qytetarët

Drejtoria e të Ardhurave Publike ju bëri thirrje të gjithë qytetarët që nuk e kanë kryer obligim e tyre të regjistrohen në sistemin e-tatim personal për shkak se afati i fundit për paraqitje skadon më 31 të këtij muajo.

Nga DAP informojnë se krahas sporteleve në zyrën rajonale në Shkup, hapur janë edhe sportelet shtesë në komuna. Kështu që, sportelet e DAP janë hapur në ndërtesën e bashkësisë urbane Gjorçe Petrov te stacioni policor dhe në ndërtesën komunale në Aerodrom ku do të punojnë nga ora 08:00 deri në ora 18:00 deri 31 dhjetor. Sportelet janë të hapura edhe në komunat e Kisella Vodës, Gazi Babës dhe Çairit nga ora 08:00 deri në ora 16:00, njofton Telegrafi Maqedoni.

Zyrat rajonale të DAP-it në Shkup, Shtip, Tetovë dhe Manastir do të punojnë nga ora 07:00 deri në ora 21:30, përveç 31 dhjetori kur koha e punës do të jetë deri në ora 16:30. Zyrat rajonale do të jenë të hapura për qytetarët edhe në dy të shtunat e fundit të këtij muaji, përkatësisht më 22 dhe 29 dhjetor.

Nga DAP informojnë se funksionon edhe “sporteli tatimor mobil: i cili i viziton ato vende të populluara në Shkup ku Drejtoria e të hyrave publike nuk ka zyra tatimore.