Dani ragon ndaj lajmeve të rreme kinse ka thënë se shteti do t’i paguajë këngëtarët me nga pesë mijë euro

Këngëtari i njohur shqiptar, Ramadan Krasniqi – Dani, ka bërë së fundmi një reagim publik, lidhur me disa lajme të rreme që po qarkullojnë në dëm të emrit të tij.

Është shkruar në disa mediume se këngëtari kinse është shprehur duke thënë se shteti do t’i kompensojë disa prej këngëtarëve shqiptarë me nga pesë mijë euro, për dëmtimin që u ka shkaktuar kriza ekonomike e shkaktuar nga pandemia COVID-19.

Mirëpo një gjë e tillë nuk qëndron, pasi vet këngëtari nga Peja, ka mohuar ta ketë thënë një deklaratë si kjo.

Ai përmes një statusi në rrjetin social Facebook, ka bërë të ditur se ky thathethem është përhapur nga mediume dashakeqe, që duan të njollosin emrin e tij,

“Po qarkullon në rrjete sociale dhe disa portale fallco, një lajm se kinse unë kam deklaruar se shteti duhet tu jap këngëtarëve, nga 5 mijë euro mbështetje derisa të kalon pandemia! Asnjëherë, askund nuk kam dhënë deklaratë të tillë e as të përafërt! Ky është edhe një tentim për të prekur imazhin tim! Kujdes Po, panikë Jo”, ka shkruar këngëtari nga Peja në Facebook.

Dani ndërkohë ashtu si të gjithë kolegët e tij, ka përjetuar një vit pa koncerte, ahengje e dasma të ndryshme, shkaku i masave preventive për përhapjen e coronavirusit. /Telegrafi/