Dallku thotë se Dukagjini nënshtroi Dritën

Dukagjini ia doli fare në fund që të merrte një pikë në barazimin 1-1 me Dritën në kuadër të javës së 31-të në Albi Mall Superligën e Kosovës.

Pas ndeshjes, trajneri Armend Dallku ka thënë se ata kanë dominuar kundërshtarin.

“Qëllimi ishin tri pikë. E kishim përgatitur ndeshjen, ndërsa u ndëshkuam nga momenti i vetëm i kundërshtarit. Morëm masa në pjesën e dytë, ndryshuam skemën”, deklaroi ai pas ndeshjes për ArtSport.

Lexo po ashtu Drita ngecë në garën për titull me barazimin dramatik ndaj Dukagjinit

“Ndihemi mirë sepse e kemi detyruar një skuadër që lufton për titull ta vonojë lojën. Rezultati baras është i drejtë, por me pak fat do të merrnim edhe fitore”.

I përgëzoj lojtarët dhe tifozët për përkrahjen. Është pikë që vlen sepse nuk jemi komod në tabelë. Më bën të ndihem mirë sepse e nënshtruam kundërshtarin, pasi në pjesën e dytë u luajt pak për shkak të zhagitjes së lojës. Kjo më bën krenar”.

“Djemtë besuan deri në fund. U shpërblyem me barazim. Ne jo vetëm ndaj Dritës por ndaj të gjithëve në Klinë jemi të papërshtatshëm para tifozëve tonë. Në fushat sintetike po kemi problem pasi fusha jonë ka përmasat tamam siç duhet të jenë.

“Fushat tjera kanë mangësi në metra. Por ne po e bëjmë maksimumin ndaj të gjithëve”, ka shtuar më tej Daku. /Telegrafi/