Sport Futboll Ndërkombëtare

Dalin detajet e tjera rreth të ardhurave të Ronaldos – sportisti më i paguar në botë

Para 2 vitesh

Cristiano Ronaldo aktualisht ka titullin e sportistit më të paguar në botë kur nënshkroi me Al Nassr në fund të vitit 2022.

Pasuria mahnitëse e ish-yllit të Manchester United ndoshta nuk është befasi, megjithatë, kur merret parasysh fakti që ylli portugez është sportisti më i njohur në botë me mbi 855 milionë ndjekës në rrjetet sociale.

Sa është paga e Cristiano Ronaldos në Al-Nassr?

Në dhjetor 2022, ylli portugez nënshkroi një marrëveshje dyvjeçare e gjysmë me skuadrën e Arabisë Saudite dhe u bë sportisti më i paguar i të gjitha kohërave.

Babai i pesë fëmijëve do të fitojë 70 milionë euro në vit, vetëm në paga, por të ardhurat e tij nuk do të ndalen me kaq.

Ronaldo mund të fitojë deri në 200 milionë euro për çdo vit që është me skuadrën saudite, falë mundësive të ndryshme komerciale dhe bonuseve të përfshira në marrëveshje.

Marrëveshja e tij e plotë me Al-Nassr mendohet se do të zgjasë mbi shtatë vjet në total dhe besohet se Ronaldo do të marrë një rol ambasadori kur të përfundojë karrierën si lojtar.

Kjo do të thotë se pesë herë fituesi i Topit të Artë, gjatë rrjedhës së kontratës, mund të arkëtojë deri në 1.5 miliard euro.

Sa është vlera neto e Cristiano Ronaldos?

Vlera neto e ish-anëtarit të Juventusit vlerësohej të ishte diku midis 240 dhe 250 milionë euro përpara marrëveshjes së tij me Al-Nassr.

Që atëherë ajo është rritur në rreth 400 milionë, megjithëse nuk ka një shumë përfundimtare të njohur publikisht.

Ronaldo, megjithatë, është përfundimisht futbollisti më i paguar në botë.

Ai është gjithashtu sportisti më i paguar në përgjithësi në botë, duke lënë yllin e basketbollit LeBron James , në vendin e dytë dhe Lionel Messin e Paris Saint-Germain në të tretin.

Si i fiton paratë Cristiano Ronaldo?

Legjenda e Real Madridit ka një sërë marrëveshjesh komerciale dhe sipërmarrje të tjera, disa prej të cilave janë të lidhura me kontratën e tij të futbollit, që pritet të rrisin të ardhurat e tij vjetore në rreth 200 milionë euro.

Falë popullaritetit të tij të madh dhe ndjekësve në mediat sociale, ylli ka fituar sponsorizime nga koka te këmbët me marka si Nike, kostumet e Sacoor Brothers dhe kufjet Monster.

Kontrata e tij e përjetshme me prodhuesit e veshjeve sportive Nike, e cila u arrit në vitin 2003, vlen në vetvete një miliard euro.

Ronaldo iu bashkua markës së orëve luksoze Tag Heuer në vitin 2014 si ambasador afatgjatë dhe gjithashtu ka vepruar si ambasador i markës për Castrol.

Ai u bashkua për herë të parë me kompaninë e naftës në vitin 2009 kur nënshkroi një marrëveshje dyvjeçare me vlerë dhejtë milionë euro.

Marka të tjera me të cilat Ronaldo ka bashkëpunuar në të kaluarën përfshijnë Coca Cola, KFC, prodhuesin e videolojërave Konami dhe linjën ajrore Emirates.

Portugezi nuk ka mungesë të kompanive që duan ta nënshkruajnë atë dhe perandoria e tij CR7 është gjithashtu jashtëzakonisht popullore.

I quajtur sipaspas superyllit të futbollit, CR7 filloi si marka personale e të brendshmeve të tij.

Tani është zgjeruar në kategori të ndryshme si veshje sportive, këpucë dhe një koleksion çorapesh.

Ronaldo gjithashtu ka hotelet e tij në kryeqytetin e Portugalisë, Lisbonë, dhe qytetin e tij të lindjes, Funchal në ishullin Madeira. /Telegrafi/