Cuadrado: Shkojmë të barabartë në Camp Nou, jemi një nivel me Barcelonën

Juan Cuadrado siguron se Juventusi do të shkojë në Camp Nou të vetëdijshëm se janë një klub i madh dhe mund të luajnë në nivel të barabartë me Barcelonën.

Bianconerët fituan ndeshjen e parë çerekfinale të Ligës së Kampionëve me rezultat 3-0 në Torino dhe ndeshja e kthimit në Camp Nou është në natën e së  mërkurës.

Lexo po ashtu Juventusi në panik para ndeshjes me Barçën, lëndohet Dybala (Foto/Video)

Megjithatë, anësori këmbëshpejtë i “Zonjës së Vjetër”, Cuadrado beson që skuadra e tij do të hyjë e barabartë në ndeshje ndaj katalunasve edhe pse kjo do të jetë një ndeshje e vështirë.

“Kjo do të jetë një ndeshje shumë e vështirë, si gjithmonë”, ka thënë Cuadrado për faqen zyrtare të Juventusit, përcjell Telegrafi.

“Ne e dimë fuqinë e tyre, se ata janë kampionë të cilët me siguri do të luajnë me gjithë forcat dhe janë të etur për të përmbysur rezultatin.

Lexo po ashtu Lippi: Juve është një nivel me Barçën dhe Realin

“Megjithatë, ne do të shkojmë në Camp Nou të vetëdijshëm se ne jemi një klub i madh dhe mund të luajmë në nivel të njëjtë me Barcelonën”.

“Ne duhet të luajmë me organizim, si një grup, që pastaj të bëjmë më shumë nga çdo hapësirë që na lejojnë”, përfundoi mesfushori kolumbian. /Telegrafi/