Në episodin më të ri të podcastit “Arena e Yjeve”, prodhim i Telegrafit, mysafir është Emin Baliqi, një ish-futbollist i njohur dhe tashmë trajner.Ky episod realizohet me mbështetjen e sponsorëve zyrtarë Golden Eagle dhe Air Munich.
Baliqi rikthen në kujtesë kohën kur ai kishte marrë nofkën “Cruyffi i Mitrovicës” pas një ndeshje me Prishtinën.
Në atë sfidë ai kishte qenë lojtari më i mirë në fushë, teksa zbulon se kush ia kishte vendosur atë nofkë.
“Po ka qenë një ndeshje unë atë kohë e kisha Ajet Shoshollin trajner te Trepça ’89 edhe e kishim një ndeshje me Prishtinën ishin Kollari dhe të gjithë lojtarët dhe unë në atë ndeshje shkëlqeva sa që Besim Kajtazi ma la emrin ‘Cruyffi i Mitrovicës’”.
“Isha lojtari i ndeshjes fituam 1-0. Është një foto bile hala e ruaj me nostalgji atë foto unë jam me fanellë është Sheremet Isufi dhe aty shkruan ‘Cruyffi i Mitrovicës’ djathtas”.
“Edhe në atë kohë kanë qenë gazetat shumë bile nëna e ka gjetë e ka pre dhe nuk e kam ditur deri vonë ndoshta mandej edhe unë kam filluar por nuk ka pasur Facebook, foto apo lajme ka qenë më natyrale jeta”, ka thënë Baliqi.
Episodin e plotë me Emin Baliqin mund ta ndiqni në kanalin zyrtar të Telegrafit në YouTube./Telegrafi/
- YouTube www.youtube.com
