“Cruyff do të kishte turp”, Van Basten kritikon sjellën e Barcelonës

Të gjithë dhe kushdo që ndjek futbollin evropian ka një mendim për afatin kalimtar të verës që Barcelona ka pasur. Pavarësisht borxhit të tyre prej 1.3 miliardë eurosh, Blaugranët kanë shpenzuar mbi 150 milionë euro për transferime këtë verë.

Kjo ka lënë një shije të thartë në gojën e shumë njerëzve, por saga e Frenkie de Jong ka ngjallur zemërimin edhe më shumë brenda lojës.

Si një nga asetet më të vlefshme të Barcelonës, Blaugranët duket se kanë ushtruar presion ndaj de Jong për t’u larguar nga klubi, duke i kërkuar atij uljen e pagës dhe madje duke e kërcënuar me veprime ligjore për kontratën e tij.

Lexo po ashtu "Laporta një idiot dhe Barcelona e drejtuar nga mafia" - Van der Vart nuk përmbahet në intervistën e tij

Legjenda holandeze, Marco van Basten ka marrë parasysh këtë çështje, duke thirrur emrin e Johan Cruyff, ndoshta më i shenjti i ‘familjes’ së Barcelonës.

“Mendoj se Johan Cruyff do të kishte turp të shihte sesi Barça është sjellë sot. Sipas mendimit tim, sjellja e FC Barcelona ka qenë shumë nën standardet e tyre”, ka thënë Van Basten për Ziggo Sport.

Lexo po ashtu Nga Ronaldo te Neymar, Silva, De Jong e Broja: Disa nga transferimet e mëdha që mund të ndodhin ende para mbylljes së afatit kalimtar veror

Nëse ka një gjë për të cilën njerëzit mund të jenë të sigurt, është se Cruyff do të kishte një mendim për këtë çështje.

Ish-trajneri i Barcelonës nuk ishte kundër përdorimit të taktikave dramatike për të marrë atë që donte nga lojtarët e tij në kohën e tij, por gjithashtu luftoi shumë për të drejtat e lojtarit. /Telegrafi/