Cristiano Ronaldo më në fund zbulon arsyen e vërtetë pse nuk do të bëhet kurrë një trajner i futbollit

Cristiano Ronaldo ka shpjeguar arsyen se pse ai nuk do të bëhet kurrë një trajner i futbollit pas pensionimit.

Pesë herë fituesi i Topit të Artë do të mbushë 40 vite në shkurt, por me ambiciet që ka për të luajtur me djalin e tij, Ronaldo nuk e ka në plan që të pensionohet pasi së fundmi shënoi golin e 900-të në karrierë në fitoren e Portugalisë ndaj Kroacisë në Ligën e Kombeve.

Ikona e Real Madridit ka shënuar 50 gola në 51 ndeshje të luajtura për Al Nassr sezonin e kaluar, ndërsa e ka nisur sezonin e ri me katër gola në po aq ndeshje.

Ronaldo ka disa sipërmarrje të ndryshme biznesi që mund ta mbajnë atë të zënë pas pensionimit, ndërsa tani ai ka një kanal në YouTube të quajtur ‘UR Cristiano’ që tashmë ka kapur shifrën e 60 milionë abonentëve.

Sidoqoftë, Ronaldo tashmë e ka përjashtuar mundësinë që të bëhet trajner në të ardhmen.

“Për mua do të jetë e vështirë që të bëhem trajner një ditë, sepse nuk e kam pasionin për këtë gjeneratë. Është e vështirë veçanërisht në futboll, sepse ata nuk pranojnë këshilla nga eksperienca jonë”.

“Ata mendojnë se dinë gjithçka, ata mendojnë se telefonat do t’i dhurojnë një edukim të mirë, TikTok-u, Instagrami”.

“Unë kam gjëra tjera për t’u shqetësuar, një tjetër kapitull në jetën time është pjesa e biznesit për të cilën jam i emocionuar”.

“Do të jetë një mision për mua që të mësojë fusha të tjera të cilat nuk i di, të jem i përfshirë në bizneset e mia dhe mendoj se do jetë diçka e mirë”, ka thënë Ronaldo.

Portugezi do të rikthehet në aksion sot (e premte) pasi Al Nassr do të jetë nikoqir i Al Ahli në kuadër të Superligës së Arabisë./Telegrafi/