Conte lidhet me një rikthim në Ligën Premier, Manchester United dhe Newcastle e duan italianin

Sipas raportimeve në Itali, Antonio Conte ka të ngjarë të kthehet në Ligën Premier në verë, me Newcastle dhe Manchester United që po monitorojnë trajnerin italian.

Conte u largua nga Interi në fund të sezonit 2020-21 pasi fitoi titullin në Serie A.

Ish-trajneri i Chelsea dhe Juventus ka marrë pushim dhe aktualisht është duke punuar si ekspert i Ligës së Kampionëve për Sky Sport Italia.

Ai nuk po planifikon të marrë një punë të re gjatë edicionit aktual, por ai pritet të kthehet në sezonin 2022/23.

Alfredo Pedullà raporton se destinacioni më i mundshëm i Contes është Liga Premier.

Kjo ndodh sepse nuk ka klube të Serie A që mund të paguajnë pagat që ai kërkon.

Conte ishte në bisedime me Tottenhamin gjatë verës, por, sipas raportit, ai vendosi të mos nënshkruante me Spurs pasi donte liri të plotë në menaxhimin e skuadrës dhe transferimet.

Newcastle dhe Manchester United tani po shikojnë teknikun italian.

Sidoqoftë, për t’u bashkuar me Newcastle, Conte do të kërkonte një pagë deri në 20 milionë euro dhe të paktën tre ose katër lojtarë të mëdhenj.

Ish-mesfushori ka shumë admirues edhe në “Old Trafford” edhe pse nuk ka pasur kontakte të drejtpërdrejta me “Djajtë e Kuq”./Telegrafi/