Coca-Cola Hellenic Kosova vazhdon bashkëpunimin me Auto Mitën, furnizohet edhe me 44 vetura të reja!

Pas një bashkëpunimi 4-vjeçar, pija numër një në botë, Coca-Cola, e ka vazhduar bashkëpunimin me kompaninë më të madhe në Kosovë – Auto Mitën!

Coca-Cola Hellenic Kosova do t’i vazhdojë të gjitha operacionet e veta në Kosovë me veturat Renault Clio i Ri.

Për ta festuar këtë bashkëpunim, u ndërtua edhe shishja e famshme e pijes Coca-Cola, si një skulpturë me gjatësi prej më shumë se 50 metrave nga po ato vetura (po thuajse sa 2 fusha të basketbollit).

“Vazhdimi i bashkëpunimit me kompaninë Coca-Cola Hellenic Kosova e konfirmon përkushtimin që e kemi ndaj klientëve tanë dhe e rritë përgjegjësinë për një shërbim edhe më efikas” ka deklaruar Zgjim Mita, drejtor ekzekutiv në Auto Mita.

“Çdo klient ka rëndësinë dhe përkushtimin më të veçantë në Auto Mita, por kur ri-përzgjedhesh nga një prej kompanive më të mëdha e më serioze në botë, sigurisht se kjo na shërben si motivim shtesë për të vazhduar të jemi në nivel evropian me shërbime dhe një hap para krejt regjionit”, shtoi ai.

Përndyrshe, Renault Clio veçse njihet si kerri më i sigurt me motorin e ri tejet ekonomik dhe që gjithashtu është i pajisur me teknologjinë më të lartë dhe më të avancuar për mbrojtjen e ambientit.

Veç kësaj, vlen të ceket se Renault Clio i Ri mbetet lider në kategorinë e vet në Evropë, por edhe në Kosovë.

Në Kosovë, tani Renault Clio i Ri është një prej veturave më të preferuara nga familjarët dhe kompanitë për shkak të rehatisë, hapësirës, sigurisë, shpenzimeve të vogla, etj.

Lexo po ashtu Renault Clio, vetura më e shitur në BE

Bashkëpunimi i Coca-Cola dhe Auto Mita e konfirmon funksionimin e suksesshëm të dy brendeve në nivel ndërkombëtar.