Cilat janë dy fazat e luftës me Hamasin, tregon Benjamin Netanyahu

Dy të tretat e regjimenteve luftarake të Hamasit në Gaza janë shkatërruar nga forcat izraelite, ka thënë Benjamin Netanyahu.

Duke folur në një konferencë shtypi, kryeministri izraelit u zotua gjithashtu të vazhdojë me luftën derisa vendi i tij të arrijë “fitoren e plotë”.

“Ka dy faza në luftime; e para është shkatërrimi i regjimenteve të Hamasit”, tha ai dhe shtoi se “deri më tani janë shkatërruar 16 apo 17 nga 24”.

“Pas kësaj, vjen (faza) e pastrimit të territorit (nga militantët). Aksioni i parë është zakonisht më i shkurtër, i dyti zakonisht zgjat më shumë”, pohoi udhëheqësi izraelit.

הצטרפו לשידור החי: ראש הממשלה בנימין נתניהו מקיים מסיבת עיתונאים מהקריה בתל אביב.
https://t.co/5IedBml5vg

— ראש ממשלת ישראל (@IsraeliPM_heb) January 18, 2024

Ai paralajmëroi se “fitorja” do të marrë “shumë muaj të tjerë” dhe se viktimat izraelite nuk kanë vdekur më kot.

Lexo po ashtu Ministri izraelit, Gvir: Duhet ta pushtojmë Gazën dhe të qëndrojmë atje - pastaj të inkurajojmë palestinezët të largohen

Duke mbajtur një foto të një ushtari të vrarë izraelit, ai u zotua se luftimet do të vazhdojnë derisa Hamasi të mposhtet dhe pengjet të lirohen.

Ndryshe, Izraeli ka nisur një ofensivë ndaj militantëve palestinezë pasi këta të fundit organizuan sulmin terrorist, një ndër më të përgjakurit në histori të shtetit izraelit. /Telegrafi/