Cila është arsyeja pse Barcelona nuk po arrin ta transferojë Rashfordin?

Një kalim i mundshëm i Marcus Rashford tek Barcelona nuk do të jetë i mundshëm, kjo për shkak të kufizimeve financiare të klubit blaugranas. 

Barcelona kishte shprehur më parë interesim për Rashford dhe ishin në gjendje të konkurrojnë me Milanin dhe Borussia Dortmundin për të siguruar shërbimet e tij. 

Sidoqoftë, Mundo Deportivo ka raportuar se gjiganti spanjoll nuk do të jetë në gjendje ta regjistrojë për arsye tashmë të njohura, problemet financiare. 

Ky raport shton se përveç në rast se Barcelona është në gjendje të bëjë dy shitje të mëdha në janar, ata nuk do të jenë në gjendje ta regjistrojnë Rashfordin, për shkak të vështirësive financiare. 

Lexo po ashtu Shorti i Kupës së Mbretit: Fat për Real Madridin, jo edhe për Barcelonën

Ansu Fati mbetet jashtë planeve të Hansi Flick për sezonin 2024/2025, dhe trajneri ia ka bërë të qartë atij se minutat do t’i ketë të limituara. 

Fati sidoqoftë, nuk do të detyrohet që të largohet nga klubi në rast se dëshiron qëndrimin dhe vendimi i tij do të respektohet. 

Në rrethana të tilla, transferimi i Rashford në Spanjë duket i pamundur. 

Rashford tani do të duhet të vendosë në rast se ai do ta presë Barcelonën për të bërë shitje, apo ta pranojë ofertën e Borussia Dortmund që po ashtu janë tejet të interesuar./Telegrafi/