CIA kishte ndjekur kompanitë më të suksesshme në Maqedoni (Dokument)

Central Intelligence Agency (CIA) ka publikuar me miliona dokumente të klasifikuara që shkruajnë informacione sekrete për të gjithë shtetet e botës ku një ndër ta është edhe Maqedonia.

Telegrafi Maqedoni ju sjell dokumentin e radhës nga CIA që daton nga viti 1951 ku agjentë të CIA-s kishin ndjekur zhvillimin e kompanive në Maqedoni duke ditur në detaje se sa rroga marrin punëtorët, sa është realizuar plani për zhvillim, sa ndërtesa kanë, cili është edukimi i punëtorëve dhe udhëheqësve, sa janë kapacitetet e tyre prodhuese dhe çka mëtojnë të bëjnë kompanitë në periudha të ndryshme.

Më herët publikuam tema tjera që kanë të bëjnë me dokumentet zyrtare të CIA-s për ish-Jugosllavinë dhe Maqedoninë.

-Plani i Rusisë për të krijuar një shtet maqedono-shqiptarë në Ballkan që pastaj do të bashkangjitej me Shqipërinë. Këtë plan Rusia e kishte bërë, duke e marrë parasysh edhe dobësinë e federatën e Jugosllavisë.

Lexo po ashtu Sipas CIA-s, Rusia deshi të krijojë shtet shqiptaro-maqedon në Ballkan (Dokument)

-Strategjia e Serbisë që e kishte angazhuar ‘’Brigadën e 125 të këmbësorëve në Kërçovë” për të izoluar vendin e pasur me minerale të çmuara në Osllomej afër Kërçovës.

Lexo po ashtu CIA ka publikuar dokumente se si serbët kanë marrë minerale të vlefshme në Osllomej të Kërçovës (Dokument)

Bëhej fjalë për 100 milion tonë minerale të çmuara që atëherë janë gjetur në minierën e Osllomejt në Kërçovë.

-Telegrafi Maqedoni shkroi edhe për interesimin që CIA-s e kishte për partitë shqiptare në Kuvendin e Maqedonisë në kohën kur u votuan flamuri dhe himni i Maqedonisë në vitin 1994.

Lexo po ashtu CIA kishte vëzhguar se si do të veprojnë partitë shqiptare në Maqedoni në vitin 1992 kur u votua himni dhe flamuri i shtetit (Dokument)

-Gatishmëria e Tiranës zyrtare, Prishtinës, Athinës, Beogradit dhe Sofjes për të hyrë në luftë për ”çështjen e shqiptarëve të Maqedonisë” ku me raporte shfaqej shqetësimi i CIA-s për ndikimin e rajonit në Maqedoni në rast se do të eskalonte pakënaqësia e shqiptarëve në Maqedoni.

Lexo po ashtu CIA: Tirana, Prishtina, Sofja, Athina dhe Ankara ishin në prag të luftës për shqiptarët e Maqedonisë (Dokument)

Në dokumentin e përpliluar në vitin 1951 CIA shkruan për kapacitetet e kompanive të njohura që tani janë ngritur në gjigantë të industrive në Maqedoni. Bëhet fjalë për kompanitë si Alkaloid, Metalski Zavod Tito (MZT) në Maxhari dhe për kombinatin e tekstilit në Tetovë që njihej si Teteks.

-Për Alkaloid CIA kishte informacione rreth pagave të punëtorëve, për kapacitetin prodhues dhe marrëdhëniet e drejtorëve me punëtorët. Alkaloid sipas raportit të CIA-s, kishte arritur që të përmbush planin pesëvjeçar të zhvillimit dhe të rris prodhimin e lëndëve kodein-fosfat. Edhe për veshjen e unifromave të punëtorëve e dinte CIA pasi vlerësohej si një revolucion në mënyrën e punës. Për 50% të të punësuarve atëkohë Alkaloid kishte ndarë shpërblime, siç thuhet në raport, për përmbushjen e qëllimeve afatshkurta të punës.

-Për ”Metalski Zavod Tito (MZT) në Maxhari të Shkupit, CIA dinte saktë se sa pompa uji kishin prodhuar në muaj dhe çfarë kapacitetin kishin këto pompa (3000 deri në 7000 litër ujë për minutë).
Gjithashtu CIA kishte shkruar edhe për makinat tjera për përpunimin e pamukit, prerës të tullave, ndërtimin e krevatëve, sa ishin të lartë kranët për ndërtim dhe sa rrymë harxhojnë në muaj dhe ku prodhohet e njejta.

Atëherë, sipas CIA-s, në fabrikë ka pasur rreth 1000 të punësuar të cilët janë paguar nga 3000 deri në 7000 dinarë të atëhershëm.

-Për fabrikën ”Teteks” në raportin e vitit 1951 të CIA-s shkruhej se po atë vit është lëshuar në prodhim të leshit, që ishte historike për Maqedoninë në atë kohë. Në të njejtin raport shkruhej për planin e kompanisë që në të ardhmen e afërt të prodhohej pamuku dhe leshi me kualitet të lartë që do të importohej në të gjithë botën.