E pëlqeni ose jo zonjën e parë të Amerikës, një gjë nuk e mohoni dot: Ka stil dhe elegancë për t’u marrë shembull. Por krahas prerjeve perfekte dhe fizikut të hatashëm, Melania Trump duket se ka një tjetër as nën mëngë për t’u dukur perfekte.
Në një hetim të vogël të stilit të saj ndër vite, zbuluam sekretin e saj: Zonja e parë ka një dobësi për ngjyrën e bardhë dhe e ka kthyer në një art të vërtetë të veshurit me këtë ngjyrë, gjë që shumë femra i druhen.
Por Melania Trump duket se i di disa hile të vogla kur vjen puna tek të veshurit me të bardhë.
Fillimisht, ajo është gjithnjë e nxirë dhe në këtë mënyrë, e bardha rri shkëlqyeshëm në lëkurën e saj të bronxtë dhe po ashtu edhe me flokët me fije karamel.
Veshjet e saj janë gjithnjë të prera në perfeksion dhe kanë detaje si pala apo fruda që i japin gjallëri veshjes.
Dhe së fundmi, materialet janë gjithnjë të plota. I keni parasysh fustanet apo pantallonat e bardha që t’i nxjerrin në shesh të gjitha dhe t’i as që ia ke idenë? Epo ky nuk është rasti i Melania-s.
