Cazorla zbulon se Arsenali interesohet për dy lojtarë të Villarealit

Santi Cazorla ka zbuluar se Arsenali po tenton të transferojë dy lojtarë nga skuadra e tij aktuale Villareali.

35-vjeçar ka thënë se Pau Torres e Samuel Chukwueze janë në listën e The Gunners për të kaluar në këtë verë në Emirates.

Torrez është 23-vjeçar dhe luanë në qendër të mbrojtjes, derisa Chukwueze luan si anësor dhe është 20-vjeçar.

Cazorla tregoi hapur për interesimin e Arsenalit për të dy lojtarët, mirëpo u ka kërkuar që t’i lënë të qetë shkaku që ende janë të rinj.

“Po, Arsenali më ka kontaktuar për të dy lojtarët. Ata më kanë pyetur për ta dhe mendoj se ata janë të gatshëm që të luajnë atje”, ka thënë ai për Marca.

“Por, unë i kam këshilluar që t’i lënë të qetë dhe të presin edhe pak, pasi ka disa hapa që lojtarët duhet t’i bëjnë përpara”.

Lexo po ashtu Artetas i duhen katër transferime për ta krijuar 'formacionin e ëndrrave' te Arsenali

“Nuk është vetëm Arsenali që interesohet për dy lojtarët, është Barcelona dhe Manchester City që i duan po ashtu shërbimet e tyre dhe kjo është gjë e mirë për Villarealin, shkaku që akademia e klubit po vlerësohet këtu”, ka shtuar më tej Cazorla.

Mikel Arteta dëshiron të ndërtojë një skuadër të re te Arsenali, mirëpo do i duhet të largojë shumë lojtarë fillimisht. /Telegrafi/