Çakarovski: Janë tërhequr ilaçet nga importi paralel nga vendet e treta

“Lejoni që institucionet të punojnë mbi rastin, ndërsa të gjitha ilaçet kontestuese janë tërhequr dhe qytetarët të mos shqetësohen”.

Këtë sot e theksoi zëvendësministri i Shëndetësisë, Goce Çakarovski, duke u përgjigjur në pyetjen e gazetarëve për rastin me kontroll të ilaçeve nga importi paralel nga vende të treta.

Ai potencoi se tashmë është publikuar dhe shtoi se ka një rast të tillë që duhet ta zbardhin institucionet, përcjell Telegrafi Maqedoni.

“Derisa nuk marrim informacion zyrtar nga institucionet që e udhëheqin këtë rast, për cilat ilaçe bëhet fjalë, sa janë në numër, kush i importon dhe kush i prodhon, nuk mund të konfirmoj asgjë. Nëse mendoni se ka institucion në botë që për 24 orë mund t’i informojë qytetarët e cilit do shtet se cilat ilaçe janë të sigurta e cilat jo, në momentin kur zbulohen numër i caktuar i ilaçeve të falsifikuara, ma tregoni atë shtet, që ne atje të lëshojmë ekspertë që të mësojnë dhe të na mësojnë edhe ne. Lejoni që institucionet të punojnë në rastin”, potencoi Çakarovski./Telegrafi/