Brenda shtëpisë që Sofia Vergara dëshiron ta shesë pas divorcit

Sofia Vergara është e vendosur të shesë vilën luksoze në Los Angeles që ishte shtëpia e saj me ish-bashkëshortin Joe Manganiello, aq sa e ka ulur për dy milionë dollarë çmimin dhe është e gatshme ta shesë për 15.9 milionë dollarë.

Çifti i aktorëve kishin tentuar fillimisht ta shesin vilën për 20 milionë dollarë, pastaj e ulën çmimin për dy milionë, ndërsa pas shkurorëzimit, bukuroshja i ka hequr edhe dy milionë dollarë të tjera nga oferta e shitjes.

E vendosur në Beverly Hills të Los Angelesit, kjo vilë e stilit italian shtrihet në 1.056 metra katrorë. Është ndërtuar në vitin 2006 dhe që atëherë është rinovuar. Ka shtatë dhoma gjumi, 11 banja dhe tre tualete.

Nga jashtë, shtëpia është e mbuluar me hardhi rrëshqanore dhe gjethe të bukura, ndërsa në çdo hap ka peizazh me lule dhe drunj të lartë.

Lexo po ashtu Sofia Vergara shfaqet në super formë në daljen e parë publike që nga njoftimi për ndarje nga bashkëshorti Joe Manganiello

Tavanet e larta, trarët e ekspozuar dhe një gamë ngjyrash bezhë-krem shtojnë atmosferën luksoze italiane. Dhoma e ndenjes formale ka dritare nga dyshemeja deri në tavan me pamje nga oborri. Kuzhina është e pajisur me një ishull të madh, pajisje dhe një kënd për mëngjes.

Shikimi i filmave në këtë ndërtesë është padyshim elegant falë dhomës së madhe të projektimit, me 10 ulëse prej pelushi. Një bodrum vere me 3.000 shishe dhe një palestër personale me një sauna, plotësojnë pajisjet kryesore të enterierit.

Jashtë, luksi i kësaj prone vazhdon me një pishinë dhe spa në gjysmë hektari lëndinë, e cila është e rrethuar me gardhe – për të mbajtur larg sytë kureshtarë. ndërkaq, paketën e plotëson garazhi me tri automjete. /Telegrafi/