LAJMI I FUNDIT:

Borrell dënon sulmin terrorist në veri: Akt i neveritshëm sabotimi ndaj furnizimit me ujë dhe energji në Kosovë

Borrell dënon sulmin terrorist në veri: Akt i neveritshëm sabotimi ndaj furnizimit me ujë dhe energji në Kosovë

Bashkimi Evropian e dënoi të shtunën, siç tha “me fjalët më të ashpra sulmin terrorist të kryer të premten në kanalin e Ibër-Lepencit në Zubin Potok në veri të Kosovës”.

Shefi i diplomacisë evropiane, Josep Borrell tha në një deklaratë se ky “është një akt i neveritshëm sabotimi në infrastrukturën thelbësore civile të Kosovës, e cila siguron ujë të pijshëm për një pjesë të konsiderueshme të popullsisë së Kosovës dhe është një komponent jetik i sistemit energjetik të saj”.

Në deklaratë thuhet se BE-ja u ka ofruar mbështetje autoriteteve të Kosovës dhe vazhdon të bashkërendojë hapat e ardhshëm me partnerët përkatës, duke përfshirë këtu edhe KFOR-in.


Misioni civil i BE-së për sundimin e ligjit EULEX po ofron ndihmë për autoritetet e Kosovës në përputhje me mandatin e tij.

Sulmi në Ibër Lepenc, shefi i delegacionit të PE-së: Mbështesim institucionet e Kosovës për kryerjen e një hetimi të plotë
Lexo po ashtu Sulmi në Ibër Lepenc, shefi i delegacionit të PE-së: Mbështesim institucionet e Kosovës për kryerjen e një hetimi të plotë

“Ne qëndrojmë në solidaritet me të gjithë ata në mbarë Kosovën që janë prekur nga sulmi. Këto mesazhe solidariteti dhe mbështetje ia kam përcjellë drejtpërdrejt kryeministrit Albin Kurti pasditen e sotme”, tha zoti Borrell, duke nënvizuar se “veprimi kriminal i kryer në Zubin Potok duhet të hetohet dhe autorët e tij të vihen para drejtësisë”.

Bashkimi Evropian tha ai, do të vazhdojë të ndjek nga afër zhvillimet dhe u bën thirrje të gjitha palëve që të bashkëpunojnë plotësisht me autoritetet e Kosovës./Telegrafi/