Bordi i ZRRE-së vendos që tarifat e energjisë elektrike të mbesin të pandryshuara  

Bordi i Zyrë së Rregullatorit për Energji (ZRRE), sot ka mbajtur seancën e tij të tretë për këtë vit, e cila për shkak të situatës së krijuar nga pandemia COVID-19 është zhvilluar pa prezencën e publikut.

Bazuar në propozimin për tarifat përfundimtare për konsumatorët fundor, të cilët furnizohen nga Furnizuesi me Shërbim Universal (FSHU-KESCO), Bordi i ZRRE ka vendosur që të njëjtat të mbesin në fuqi si në strukturën tarifore paraprake.

“…Përderisa tarifat për shfrytëzimin e rrjetit të Transmetimit dhe rrjetit të Shpërndarjes ndryshojnë nga ato të viteve të kaluara, në përputhje me të Hyrat Maksimale të Lejuara (MAR), por këto ndryshime nuk kanë asnjë ndikim në tarifat përfundimtare të konsumatorëve të rregulluar për periudhën rregullative 1 prill 2020 – 31 mars 2021”, thuhet në njoftim.

Më poshtë mund ta gjeni Strukturën Tarifore për konsumatorët e Shërbimit Universal të Furnizimit me energji elektrike  për periudhën rregullative 1 prill 2020 – 31 mars 2021. /Telegrafi/