Bordi i Shërbimit Spitalor Klinik e Universitar i Kosovës nuk e ka aprovuar raportin 6 mujor të punës janar – qershor 2023 të ShSKUK-së, me arsyetimin se performanca nuk ka qenë e mirë dhe se është keqmenaxhuar institucioni.
Kryesuesi i Bordit, Naim Bardiqi ka konstatuar se performanca e ShSKUK-së gjatë kësaj periudhe ka qenë e keqe, nuk janë shfrytëzuar kapacitetet, është tentuar të fshihet mospuna dhe se ka pasur keqmenaxhim të parasë publike në spitale të përgjithshme.
U konstatua po ashtu se sipas përqindjeve, klinikat kanë perfomuar më mirë se sa spitalet e përgjithshme. Kjo, sipas Bardiqit është për shkak se ato ofrojnë edhe shërbime dytësore edhe tretësore.
Prandaj, në mbledhjen e sotme, Kryesuesi i Bordit, Naim Bardiqi rekomandoi mosaprovimin e këtij raporti që pasqyron punën e institucionit.
Unanimisht, kryesuesi dhe 5 anëtarët e tjerë, Dren Boshnjaku, Tetore Olloni, Enver Gashi, Besim Demolli dhe Vjollca Kadolli votuan për mosaprovimin e raportit. Anëtarja e shtatë, Rrezarta Bajrami nuk ishte e pranishme në këtë mbledhje.
Përveç pakënaqësisë ndaj performancës, menaxhmenti disa herë ka ngritur dyshime edhe për vërtetësinë e shifrave të raportuara nga njësitë organizative të ShSKUK-së.
Madje, Bardiqi në mbledhjen e kaluar ka thënë se duhet të bëhet auditim te personat që kanë nxjerrë këto statistika.
Në njërën prej mbledhjeve të bordit në tetor, Drejtori i ShSKUK-së, Elvir Azizi pati thënë se shifrat nuk janë prezantuar ashtu siç duhet dhe se transparenca brenda institucionit nuk është në nivel të duhur.
Raporti final 6-mujor ka pësuar ndryshime të rëndësishme nga ai fillestari që ishte prezantuar para Bordit, i cili ka përmbajtur të dhëna të pasakta, duke paraqitur si aktivitete të përfunduara, aktivitete që as nuk janë nisur.
Pas raportimit në media për këto mospërputhje mes raportit dhe realitetit, Bordi dhe Drejtori i ShSKUK-së, Elvir Azizi ka kërkuar nga hartuesi i raportit, Sali Bllaca që të bëjë verifikimin e të dhënave dhe t’i përmirësojë ato. Azizi ka marrë këtë pozitë më 5 korrik.
Ndonëse në mbledhje ishte prezantuar si raport, në përgjigje për KALLXO drejtoria pati thënë se ai ka qenë draft-raport.
Në mbledhjen e javës së kaluar, drejtori tha se raporti final nga ai fillestar ka ndryshuar në mënyrë drastike.
“I kemi vërejt gabimet që janë bërë, ka qenë tjetër menaxhment, i kemi bërë përmirësimet me një grup punues dhe me të gjithë zyrtarët e njësive” – është shprehur Azizi.
Versioni i parë ka paraqitur 16 aktivitete më shumë si të përfunduara, se sa realisht janë.
Përderisa versioni i parë i raportit thoshte se nga 58 aktivitete të planifikuara, 34 prej tyre janë përfunduar, 18 janë në proces e 6 të papërfunduara.
Versioni final thotë se janë përfunduar vetëm 11 aktivitete, janë në proces 33 e janë të papërfunduara 14 sosh.
Lidhur me këtë gjendje, bordi ka kërkuar nga drejtori që të marrë masa dhe të ketë pasoja për personat përgjegjës.
Udhëheqësi i këtij institucioni pati kritika edhe për planifikimin e menaxhmentit paraprak duke thënë se kanë vendosur objektiva të paarritshme.
Menaxhmenti aktual i SHSKUK-së është ankuar në vazhdimësi se drejtorët e klinikave, spitaleve dhe njësive të tjera organizative nuk dinë të raportojnë dhe se raportet 3-mujore janë vonuar.
Hartuesi i raportit 6-mujor të punës së SHSKUK-së, Sali Bllaca pati thënë se ka raste që menaxherët e njësive nuk e dinë as se çfarë shërbime ofrojnë.
Në 6-mujorin e parë të vitit, ShSKUK është udhëhequr nga dy ushtruese të detyrës, nga Pranvera Zejnullahu – Raçi deri më 26 janar e më pas nga Narqize Arenliu – Hoxhaj.
Zejnullahu – Raçi pati dhënë dorëheqje, ndërsa Arenliu – Hoxhaj ka udhëhequr institucionin deri në ardhjen e drejtorit të ri, më 5 korrik, i cili është zgjedhur përmes konkursit publik.
Promo
Reklamo këtuLufta Prigozhin - Putin
Më shumëCani: Lajm i keq për shtetasit e Kosovës që duan të punojnë në Gjermani
Nxiti urrejtje në Deçan dhe u arrestua në Merdar, 30 ditë paraburgim për serbin Sasha Zlatkoviq
Policia e Shtetit publikon pamje se si 32-vjeçari në Durrës ua mori dy shtetasve varëset nga qafa, vihet në pranga
Rreziqet në Kosovë, ato të sigurisë dhe nga radikalët islamistë - çfarë thuhet në raportin hulumtues të Institutit për Siguri dhe Rezilience?
Zgjedhjet e rregullta parlamentare, Cakolli tregon se kur mund të mbahen ato
Policia kërkon bashkëpunim për identifikimin e një personi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë