Boehly ka gati listën për largime në verë – së paku gjashtë lojtarë i thonë lamtumirë Stamford Bridges

​​Todd Boehly dëshiron të lirojë një listë të gjatë pagash këtë verë, ndërsa ai kërkon të shesë një grup lojtarësh të Chelseat.

Politika e klubit për të ulur disa nga pagat më të larta në futboll do ta bëjë të vështirë bindjen e disa prej yjeve për të vazhduar më tej në klub.

Anësori amerikan, Christian Pulisic, pritet të largohet në fund të këtij sezoni, kur do t’i kenë mbetur edhe 12 muaj në marrëveshjen e tij prej 180,000 eurosh në javë.

Nuk ka gjasa që ndonjë klub i interesuar të arrijë pagën e tij prej tetë milionë eurosh në vit.

Kjo do t’i bëjë presion kryetarit të Bluve, Boehly, që të paguajë Pulisic për t’u larguar ose për të marrë një tarifë më të ulët transferimi.

E njëjta situatë është edhe me disa lojtarë të tjerë. Callum Hudson-Odoi, i huazuar te Bayer Leverkusen, ka një vit të mbetur në kontratën e tij dhe fiton rreth 200,000 euro në javë. Ruben Loftus-Cheek, me 180,000 euro në javë, do të hyjë gjithashtu në vitin e fundit të marrëveshjes së tij.

Marokeni Hakim Ziyech është nën kontratë deri në vitin 2025, por ka tepricë ndaj kërkesave, ashtu si edhe paga e tij prej 140,000 eurosh në javë.

Portieri Kepa Arrizabalaga është një tjetër lojtar që pritet të largohet këtë verë dhe merr pak më pak se 200,000 euro në javë.

Ai ka dy vjet të mbetura në marrëveshjen e tij dhe i kushtoi Chelseat një tarifë rekorde botëror për një portier në 81 milionë euro.

Fituesi më i madh është sulmuesi Romelu Lukaku – i huazuar te Interi – me dy vjet të mbetura nga një marrëveshje 355,000 euro në javë.

Këto gjashtë kontrata të lojtarëve të padëshiruar shtojnë një pagë marramendëse prej 60 milionë euro në vit. /Telegrafi/