Blerim Bexheti: Grubi të kthehet në vend dhe të përballet me drejtësinë

Deputeti i BDI-së, Blerim Bexheti thotë se Artan Grubi duhet të dal para organeve të drejtësisë dhe të përballet me ligjin.

Bexheti në “Daily Click” tha se, si do që të jetë, nëse është i pastër ose nëse ka bërë shkelje ligjore, kjo të konstatohet në organet kushtetuese të vendit.

“Artan Grubin e ftoj publikisht edhe në emër të partisë por edhe në emër timin qe te paraqitet para organeve të drejtësisë që të ballafaqohet. Ka të bëje me rastin e lotarisë. Si çdo qytetar, bartës i funksionit publik që ka qenë dhe iu ka dhënë mundësia që të jetë që të gjitha dilemat që nëse ai thirret që është i pastër ose nëse ka bërë shkelje të ligjit të konstatohet në organet kushtetuese ligjore dhe uroj që të ballafaqohet ai fhe shunë të tjerë”, tha Blerim Bexheti.

Bexheti thotë se Artan Grubi nuk është më pjesë e BDI-së.

“Pas atij momenti, Artan Grubi është tërhequr nga jeta publike. Sigurisht se edhe ai ka informacionin që paraprakisht ka një vendim të tillë në organet partiake dhe është tërhequr nga çdo organ dhe rol dhe faktikisht nuk është pjesë e BDI-së pas atij vendimi”, tha Blerim Bexheti.