Bleona Qereti në përkrahje të komunitetit LGBTI, performoi sërish në “Vegas Pride”

Gjatë këtij muaji, kanë qenë të shumtë personazhet e huaja që kanë mbushur profilet e rrjeteve sociale me flamurin shumëngjyrësh të LGBTI, ndërkohë Dua Lipa dhe Rita Ora po ashtu janë dy nga emrat e famshëm që kanë reaguar për të drejtat e homoseksualëve.

Megjithatë, edhe këtë vit nuk kanë munguar aktivitetet e ndryshme nën sllogain ‘pride’ (krenari) në Amerikë, e së fundmi u mbajt edhe një koncert në Las Vegas.

Pjesëmarrëse në eveniment për të dytën herë radhazi ka qenë këngëtarja e njohur shqiptare, Bleona Qereti, e cila ka ndarë një pjesë të performancës së saj edhe në rrjetet sociale.

https://www.instagram.com/p/CB_R8nHJPSQ/

“Vegas Pride”, ka shkruar artistja e njohur krahas postimit, gjersa në fillim të videos shihen një pjesë e publikut duke përshëndetur yllin shqiptar.

Qereti shfaqet duke interpretuar disa nga këngët e realizuara në ShBA, ku njëherësh mori vëmendje të madhe edhe me paraqitjen glamuroze.

Lexo po ashtu Të gjitha lajmet nga Bleona Qereti

Siç thekson Bleona, videoja është vetëm një pjesë e realizuar në këtë event të njohur botëror.

https://www.instagram.com/p/CB8n8cXJfQ-/

Përkundër se numëron vite të shumta në skenë, Bleona po vazhdon të shkëlqejë dhe të jetë në fokus me projektet që realizon herë pas here. /Telegrafi/