Frontmeni i NRG Band, Besnik Qaka, ishte i ftuar në “Ftesë në 5” me Bieta Sulon, nga ku zbuloi më tepër detaje rreth baladës “Ani Ani”.
Sipas tij, kjo është një këngë e qetë dhe me tekst domethënës që përshtatet më së miri me muajin janar.
Megjithatë, këngëtari premtoi se projekte më ritmike do të lansohen në muajt pasardhës, transmeton Top Channel.
I pyetur nga Bieta nëse do të ketë një këngë dedikuar së bijës, Besniku pohoi, madje shtoi se i ka gati disa demo.
Edhe pse nuk dha informacion më të detajuar, ai shprehu dëshirën për të pasur një këngë emocionale dhe shumë personale për Unën dyvjeçare.
