Bes Kallaku uron Vitin e Ri përkrah Xhensilës dhe Ajkës: Mos lejoni askënd t’ju fikë buzëqeshjen

Aktori dhe këngëtari i njohur nga Shqipëria, Bes Kallaku, ka qenë mjaft aktiv edhe këtë vit si me projekte muzikore, e po ashtu edhe me projekte të tjera siç ishte filmi “Falco”.

Derisa ka mbetur vetëm edhe një ditë në ndërrimin e motmoteve, komediani shqiptar ka vendosur që të urojë festat me një fotografi familjare.

Ai në llogarinë personale, Instagram, ku ndiqet nga hiç më pak se një milion ndjekës, publikoi një imazh pranë bashkëshortes së tij, këngëtares Xhensila Myrtezaj si dhe vajzës së vetme, Ajkës.

https://www.instagram.com/p/B6oMtNzBJ9D/

Ata duken mjaft të kompletuar me prezencën e njëri-tjetrit, teksa po shijojnë edhe këtë ditë të vitit 2019.

“Gezuar miq! Shikoni gjithmone drejt se ardhmes dhe mos lejoni askend t’ju fike buzeqeshjen. Zoti ju rujt. Familja Kallaku”, ka shkruar ndër të tjerash Kallaku.

Lexo po ashtu Të gjitha lajmet nga Bes Kallaku

Të shumta ishin komentet që Besi pranoi në Instagram, duke i uruar harmoni të tillë familjare.

https://www.instagram.com/p/B6vIS_fHQ4x/

Kohëve të fundit, Besi u shndërrua në një nga personazhet më të përfolura në mediat rozë, për shkak të një deklarate që bëri kundrejt Encës dhe mikut të tij, Ermal Mamaqit, megjithëse më pas u sqaruan me postime në rrjetet sociale. /Telegrafi/